بعد إعلانها انفصالها عن أحمد مكي.. مي كمال في رسالة غامضة: مابتلزقش فيه وشيليني من دماغك
وجهت خبيرة التجميل مي كمال الدين، طليقة الفنان أحمد مكي، رسالة غامضة بعدما أعلنت أمس تفاصيل انفصالها عن الفنان، موضحة أنها لا تدّعي صداقتهما عقب الانفصال.
وكتبت طليقة أحمد مكي، عبر ستوري حسابها بموقع إنستجرام: فيه واحدة مش هذكر اسمها احترامًا للقانون أولًا ولـ ابنها أو بمعنى أصح أولادها.. ولـ سنك، ثانيًا.. مشكلتك معاه مش معايا ركزي مفيش داعي لكل اللي إنتي بتعمليه، وبقفل مواضيع علشان مش فاضية جايز مش هتوصلك إحساس المسئولية والشغل.
وأضافت طليقة أحمد مكي، في رسالتها الغامضة: أنا بعلن انفصالي، وبعلن احترامي له وخلاص مش بساومه، ولا بجري وراه، ولا بتلزق فيه، ومش بقول أصل إحنا صحاب، بالبلدي بسيب الجمل بما حمل، فيا ريت تشيليني من دماغك أنا مش فاضية حتى أشوفك ولا أحطك في دماغي.
واختتمت طليقة أحمد مكي رسالتها الغامضة قائلة: اشتغلي على نفسك، أعمليلك كارير تثبتي بيه ذاتك بدل ما أنتي مش مفهومة منتجة ولا فنانة ولا حتى صاحبة كوافير باين صبح كده، حاولي تحبي نفسك لعل وعسي ألاقيك حاجة فلحتي فيها.
خبيرة التجميل مي كمال الدين تكشف تفاصيل طلاقها من أحمد مكي
وكانت كشفت خبيرة التجميل مي كمال الدين، تفاصيل انفصالها من الفنان أحمد مكي، حيث قالت في تصريحات تليفزيونية، أن زواجهما استمر 3 سنوات، وأنه لم يكن هناك طرف فني وراء الانفصال، مشيرة إلى أن الظروف المحيطة والعادات المجتمعية لعبت دورًا في تعقيد الأمور، خاصة بعد وفاة والدته، معلقة: القريبين هنا مكانوش عارفين إن أنا مراته، ولما كنت بدعمه على السوشيال ميديا كانوا بيشتموني وبيدخلوا في تفاصيل حياتي.
