عرفنا الموضوع من النت ورمضان مايعرفش حاجة.. أقوال شريف إكرامي في واقعة أداء شاب الامتحان بدلا من رمضان صبحي
كشفت التحقيقات، عن تفاصيل جديدة، في قضية أداء طالب الامتحان بدلا من رمضان صبحي، حيث تبين أن اللاعب رمضان صبحي طلب من آخر، المثول في الامتحانات الخاصة بمعهد الفراعنة بالجيزة بدلا منه، بسبب ارتباطات اللاعب رمضان صبحي.
عرفنا الموضوع من النت ورمضان مايعرفش حاجة.. أقوال شريف إكرامي في واقعة أداء شاب الامتحان بدلا من رمضان صبحي
ويواصل القاهرة 24 نشر التحقيقات في القضية التي حملت رقم 6407 لسنة 2025، حيث وجهت جهات التحقيق للاعب رمضان صبحي تهمة التورط في الاتفاق مع آخر على أداء الامتحانات الخاصة مكانه عن طريق التزوير.
وجاءت في أقوال اللاعب شريف إكرامي بالتحقيقات: اللي حصل ان احنا اتفاجئنا في شهر 5 تقريبا ولقينا المواقع على النت منزلة خبر إن حد دخل امتحان بدل رمضان صبحي، وأنا كلمت رمضان وقتها وقلتله إيه الموضوع وقالي إن في حد اسمه طارق كان بيجيبله إثباتات قيد من المعهد وانه مبيروحش المعهد خالص وميعرفش عنه حاجة ولا يعرف مكانه فين وان طارق ده هو اللي كان بيجيب له الإثباتات إنه مقيد في المعهد علشان يسهل بس مواضيع تصاريح السفر بتاعته في مقابل انه كان بيحوله فلوس.
وأضاف شريف إكرامي في أقواله أمام جهات التحقيق: اتفاجئنا بعدها إن فيه حد اسمه عبد التواب، بيرن عليه وطلب مقابلتنا وحددنا معاد عند أشرف عبد العزيز، المحامي، ورحنا وكان معاه اتنين تانيين ولقيناهم بيقلولنا على موضوع فرد الأمن وحسينا إنهم بيدخلونا في مواضيع كتيرة وطلبوا مننا إننا نحل الموضوع وكانوا متأخرين عن معادهم وكان عندنا تدريب واحنا رحنا على التدريب وسبناهم مع المحامي، واحنا راجعين من معسكر التدريب في تركيا اتفاجانا إن رمضان عليه تشابه أسماء ووقفونا في المطار وأخدوا رمضان وانا اخدت منه حاجته شنطته وتليفونه وكنت معاه لحد ما اتعرض على النيابة.
وأكمل: رمضان مايعرفش أي حاجة عن الموضوع ولا ليه أي علاقة بالتزوير ولا المتهمين اللي فيه وكل ما في الموضوع ان رمضان قلي ان طارق كان بيجبله إثباتات القيد ومن حوالي سنتين مبقاش ياخد منه حاجة لأنه خلاص استخرج شهادة إعفاء نهائي وهو ده كل اللي حصل.
