بينهم سعودي.. وفاء عامر تقاضي 3 أشخاص بتهمة الإساءة لها على السوشيال ميديا
أعلنت الفنانة وفاء عامر، اتخاذها الإجراءات القانونية ضد ثلاثة أشخاص أساءوا لها، واتهموها بالكذب والافتراء على مواقع التواصل الاجتماعي.
وقالت وفاء عامر في لقاؤها مع الإعلامي أحمد سالم ببرنامج كلمة أخيرة على شاشة ON E: رفعت قضايا على مروة يسري، وواحدة مصرية في الكويت، ورفعت على واحد سعودي اتكلم في حقي وغلط.
وتابعت وفاء عامر: مين قال إني مدافعتش عن نفسي من اللي بيتقال عني، بدافع بالقانون ورفعت قضايا وقضاء مصر العادل خلاني قاعدة دلوقتي، والداخلية قوية ومحترمة ومش بتسيب حاجة.
إبراهيم شيكا
كما كشفت الفنانة وفاء عامر كواليس شرائها شقة للراحل إبراهيم شيكا ناشئ الزمالك، بعد تدهور حالته الصحية: قبل ما شيكا يموت روحت بيته لقيت ان مينفعش واحد عنده جروح في جسمه يسكن في بيت، قالتلي دافعين 100 الف جنيه في بيت تاني، ابتديت اجمع تمن الشقة، مش من تيك توك ولا فيسبوك، ومعايا حد بيراجع ورايا الفلوس دي، جبت فلوس وجبت له بيت، بعت المحامي معاه شيك بتمن الشقة، فاضل على الشقة 150 الف جنيه، وانا عايزة استرجع الشقة دي، لأنها عاملة مشاكل بين هبة وبين عيلتها.
