أقوال عميد معهد السياحة والفنادق في قضية رمضان صبحي: بعتنا للاعب جواب على البيت عشان يحضر مجلس تأديب
كشفت التحقيقات، تفاصيل جديدة، في قضية أداء طالب الامتحان بدلا من اللاعب رمضان صبحي في أحد معاهد السياحة والفنادق.
أقوال عميد المعهد العالي للسياحة والفنادق بواقعة أداء شاب الامتحان بدلا من رمضان صبحي
ويواصل القاهرة 24 نشر التحقيقات في القضية التي حملت رقم 6407 لسنة 2025، حيث وجهت جهات التحقيق للاعب رمضان صبحي تهمة التورط في الاتفاق مع آخر على أداء الامتحانات الخاصة مكانه عن طريق التزوير.
وقال أحمد م، عميد المعهد العالي للسياحة والفنادق بسؤاله عن طبيعة عمله واختصاصه الوظيفي أمام جهات التحقيق: أنا عميد معهد الفراعنة العالي للسياحة والفنادق.
س ومنذ متي تباشر أعمالك بمعهد الفراعنة العالي؟
ج من سنتين
س: اذكر لنا معلوماتك بشأن الواقعة محل التحقيق؟
ج: اللي حصل إن الدكتور عصام زكريا، رئيس الكنترول ووكيل المعهد، قابلني في المعهد امس وقالى في مشكلة وكان معاه محمد إبراهيم مسئول الأمن، وأستاذ أحمد جمال، وأستاذ أحمد فتح الله، وكان معاهم الطالب اللى عمل المشكلة، وطلعنا في الإدارة وبدأنا نتكلم فعرفت إن فيه واحد منتحل شخصية طالب مقيد بالمعهد، وهما جابوا الملف بتاعه من شئون الطلبة علشان يبحثوا فيه ويشوفوا صور الطالب، ويتحققوا من شخصيته.
وأضاف عميد المعهد العالي للسياحة والفنادق بالتحقيقات: مكنش فيه صور في الملف، ولكن كان موجود صورة المؤهل اللي في صورة مخالفة للطالب اللي كان قدامنا، والأمن اتحفظ على الطالب وعلى تليفونه ودكتور عصام كتب مذكرة بالواقعة، وتم تحويل الموضوع للتحقيق بداخل المعهد والطالب كتب إقرار إنه هو داخل الامتحان مكان رمضان صبحى المقيد عندنا بالمعهد، وأناخدت التحقيق وعملتله جواب بتفويض للدكتور عصام علشان يروح بيه قسم أبو النمرس بصورة من مذكرة التحقيق لتحرير محضر بالواقعة، وعملت صورة لوزارة التعليم العالى لإخطارها بالواقعة، وبعت برضوة جواب لرمضان صبحى على محل سكنه اللى موجود في الملف علشان يحضر مجلس التأديب، ودي كل معلوماتي عن الواقعة.
س متى وأين حدث ذلك؟
ج الكلام دة حصل بتاريخ 2025- 5 - 13 بمعهد الفراعنة العالي للسياحة والفنادق.
