حسين فهمي عن دعم القاهرة السينمائي لفلسطين: قضيتنا وسنظل نتحدث ونعبر عنها دون سياسة
تحدث الفنان حسين فهمي عن ارتباط مهرجان القاهرة الدولي السينمائي بالقضية الفلسطينية، وكيفية تناول الصراع العربي الإسرائيلي في النسخة الـ 46 من المهرجان.
حسين فهمي: سنظل ندعم القضية الفلسطينية
وقال حسين فهمي في جلسة حوارية مع الصحفيين: بالتأكيد هنتكلم عن القضية الفلسطينية في النسخة الجديدة من مهرجان القاهرة، وده دور المهرجان ولازم نبرز ده وعبرنا عن القضية دون الدخول في السياسة، وإلى أن يأتي موعد المهرجان الدورة في معادها عادي وأتمنى أن يكون في السنوات المقبلة أكتر من مهرجان في مصر زي فرنسا والعديد من الدول.
كما تحدث حسن فهمي عن إقامته في أفخم الفنادق داخل وخارج مصر خلال حضوره مهرجانات سينمائية دولية، قائلًا: أنا لما بسافر بركب أحسن طيارة وبقعد في أفخم الفنادق وبركب أحسن عربية، مش عشان بتمنظر لكن عشان أنا مصري وبمثل الشعب كله، الناس في الدول الخارجية ممكن يكونوا ما يعرفوش اسمي لكن بيتشاور عليّا إن ده مصري، والفنانة مش بتقدر تكرر فستان أو حلق لأن كل ده بيرجع لشكلنا كمصريين.
وعن حضور البلوجرز للمهرجانات السينمائية قال: الناس بيتم منعهم من الدخول في مهرجانات معينة زي مهرجان كان بيترفضوا، هما موجودين على السوشيال ميديا بس القيمة بتاعتهم في اللي بيقدموه ومبنجريش وراهم.
ومن ناحية أخرى انتشرت العديد من الأخبار على المواقع الإخبارية وصفحات السوشيال، والتي تفيد بتكريم خالد النبوي في النسخة الجديدة للمهرجان بجائزة فاتن حمامة للتميز.
