مطرب المهرجانات مسلم: طلّقت مراتي بسبب أهلي.. وبيكرهوا الناس فيا لما بييجوا يتصوّروا معايا
تحدث مؤدي المهرجانات مسلم، عن تعرضه لظلم كثير في حياته وطفولته بسبب أهله، مما اضطره أن يطلق زوجته السابقة يارا.
وقال مسلم خلال بث مباشر عبر حسابه بإنستجرام: عشت طفولة صعبة وكنت بدعي على أهلي عشان خلوني أبات عند أصحابي، وبيكرهوا الناس فيا ولو حد جه يتصور معايا بيضربوه، والشغل في الشارع والأفراح ده كان مصدر رزقي الوحيد.
وأضاف مسلم: لما أنا كنت هموت مين نفعني غير يارا؟ حد منهم كان جنبي؟، عضلة قلبي كان فيها مشكلة ومحدش وقف جنبي غير يارا، محدش سأل عليا غير محمد أخويا.
طلاق مسلم
وأعلن مطرب المهرجانات مسلم، أمس، طلاقه رسميًا من زوجته يارا تامر، وذلك عقب خلافات حادة تفجرت بين زوجته وأسرته، وكتب مسلم عبر حسابه بإنستجرام: تم الطلاق بيني وبين مراتي ودا بسبب مشاكل أهلي وفضحتني قدام الناس.
وأضاف مسلم: حسبي الله ونعم الوكيل في اللي كان السبب وخلي بينا مشاكل وكلام زي الزفت في السمعة والشرف والأعراض، مش مسامح أمي ولا أختي ولا إخواتي كلهم.
