ميدو: إيه الهدف من بيان بيشكر اللاعبين والجهاز الفني للزمالك وهما مخدوش مستحقاتهم
انتقد الإعلامي أحمد حسام ميدو، البيان الذي أصدره نادي الزمالك عقب اجتماع مجلس الإدارة الأخير، مؤكدًا أنه كان من أبرز أسباب تعادل الفريق أمام الجونة بنتيجة 1-1 في الدوري الممتاز.
تصريحات ميدو
وقال ميدو، في تصريحات تلفزيونية: "بيان نادي الزمالك عقب اجتماع أمس كان سبب رئيسي في التعادل مع الجونة، إيه الهدف من بيان بيشكر اللاعبين والجهاز الفني وجهاز الكرة اللي مش بياخدوا مستحقاتهم؟".
وأضاف: "البيان ده مينفعش يطلع قبل 24 ساعة من ماتش مهم، وده استفز اللاعبين وأعضاء الجهاز الفني اللي ماخدوش حتى جنيه واحد من مستحقاتهم، البيان بيقول للاعيبة إنهم مش هياخدوا فلوسهم دلوقتي، وده سبب طبيعي يخليهم متأثرين".
وتابع: "كان الأفضل مجلس الإدارة يجتمع مع اللاعبين ويقولهم يستحملوا شوية ويعتذرلهم، أفضل من إصدار بيان علني بالشكل ده".
واختتم ميدو تصريحاته قائلا: "الزمالك كل فرق الدوري عايزه تديله اللقب على طبق من فضة، لكن هو نفسه مش عايز يكسب البطولة".
