نفسيتنا تعبت ونتمنى نخلص.. أول تعليق من أسرة صغير دمنهور بعد تأجيل الاستئناف لـ15 نوفمبر
قررت محكمة جنايات مستأنف دمنهور، الدائرة الثالثة، المنعقدة بمحكمة إيتاي البارود الابتدائية، برئاسة المستشار أشرف عياد، رئيس المحكمة، وعضوية كل من المستشارين إيهاب الشنواني وفخر الدين عبد التواب، ومحمد سعيد، اليوم الأربعاء، تأجيل محاكمة المتهم بالتعدي على الطفل ياسين لجلسة 15 نوفمبر المقبل للمرافعة.
أول تعليق من أسرة صغير دمنهور بعد تأجيل الاستئناف لـ 15 نوفمبر
وقالت أسرة الصغير ياسين طفل دمنهور في تصريحات خاصة لـ القاهرة 24: تأجيل الحكم النهاردة احبطنا تماما، وكان نفسنا تكون آخر جلسة ونرتاح عشان الطفل ده يشوف حياته ومستقبله، ومع ذلك كبير الأطباء الشرعيين أكد وجود اعتداء والطفل خالٍ من الأمراض، ودفاع الخصم شكك في الأدلة والمرة اللي فاتت رفض المرافعة إلا بإحضار أوراق نهاد قطب مع أن ملهاش علاقة بقضية هتك العرض.
وأضافت أسرة الصغير ياسين: كنا متعشمين أن دي آخر جلسة بس ده قضاء ربنا وقدره، والولد نفسيته تعبت من اللي بيحصل ورافض يروح المدرسة، وبشكل عام كل تأخيره وفيها خير ادعوا لنا الجلسة الجاية تكون الأخيرة وربنا ينصرنا، وإحنا طول الوقت بنحاول ندعم الطفل نفسيًا بس الموضوع صعب عليه وتجربة مش سهل حد يمر بيها، ودفاع المتهم بيحاول يدور على أي حاجة حتى لو مش هتفيد القضية كنوع من التعطيل مش أكتر.
وشهد محيط محكمة جنايات إيتاي البارود الابتدائية بمحافظة البحيرة، صباح اليوم الأربعاء، والمنعقد بداخلها محكمة جنايات مستأنف دمنهور، تشديدات أمنية مكثفة، وذلك تزامنًا مع انعقاد خامس جلسات محاكمة المتهم بالتعدي على الطفل ياسين تلميذ مدرسة الكرمة بدمنهور.
