ياسر فرج بعد غياب 5 سنوات: أتمنى أرجع تاني للوسط الفني
كشف الفنان ياسر فرج، عن رغبته في العودة إلى الوسط الفني من جديد والمشاركة في الأعمال الفنية، وذلك بعد غياب 5 سنوات عن الساحة الفنية بسبب مرض زوجته قبل رحيلها متأثرة بـ إصابتها بالسرطان.
وكتب ياسر فرج، عبر حسابه على موقع التواصل الاجتماعي فيس بوك: أتمنى أرجع تاني للوسط الفني وهرجع إن شاء الله، اختفيت لمدة 5 سنوات بسبب مرض زوجتي الله يرحمها وانشغالي مع أولادي في الظروف الصعبة دي، ده اللي بعدني جدًا عن شغلي وأصبح الرجوع مش سهل، ولكن راجع بإذن الله.
ياسر فرج يكشف تفاصيل مرض زوجته قبل وفاتها
وسبق وكشف الفنان ياسر فرج، تفاصيل مرض زوجته قبل وفاته، وذلك خلال لقائه مع القاهرة 24، قائلًا: زوجتي كانت حالتها بتسوء بالتدريج، ودعيت وقولت يا رب لو أنت مقدر وفاتها أنا راضي بس سهل المرحلة دي علينا وعلى الأولاد، من غير خسائر نفسية وربنا استجاب ليا بعدها بشهر، بحس بيها إنها في البيت، وبحلم بيها إنها معانا وممكن أبقى قاعد وولادي حواليا وأنا مش قادر أمسك دموعي، وأنا فعلًا عندي يقين كامل إن ربنا مش هيسيبني، وكانت حاسة قبل وفاتها ووصتني على الأولاد ومامتها.. وأنا والأولاد بنروح نقرأ ليها قرآن وبسيب كل واحد يقف قدامها يتكلم معاها ويفضفض معاها وبيبقوا حاسين بيها.
وأضاف ياسر فرج: قبل وفاتها كنا متأهلين أنا والأولاد، إننا نستوعب فقدها وكانت صدمة كبيرة بس كانت قليلة بالنسبة لأنها كانت تموت فجأة وإحنا كنا مؤهلين.
