أول تعليق من شروق وفا على قرار اتحاد الشطرنج بإيقافها وتحويلها للتحقيق
ردت شروق وفا لاعبة منتخب مصر للشطرنج، على قرار مجلس إدارة الاتحاد المصري بإيقافها وتحويلها إلى التحقيق بعد هجومها الأخير ضد المسؤولين.
أول تعليق من شروق وفا على قرار اتحاد الشطرنج بإيقافها وتحويلها للتحقيق
وكتبت شروق وفا عبر حسابها الشخصي على فيسبوك: أنا عمري ما شفت بيان في حياتي مضحك زي ده، أعلى مصنفة على إفريقيا والعرب بس مستوايا متراجع!! سبحان الله نفس الشخص اللي كتب عن حامد مفيش حاجة تانية يقولوها، ولسه كسبانة بطولة إفريقيا السنة دي، وإيه علاقة سني بالموضوع مش فاهمة؟
وأردفت: بس بما إن تم ذكر رئيس الاتحاد اللواء مختار عمارة، خلوني أزود إني مش بوجهله شخصيًا أي كلام أساسًا، لأن من المواقف اللي حصلت مع الاتحاد وتواصلي معاه بأن دوره ومدى تدخله في القرارات محدود، ومكنش يعرف أصلًا أن إحنا مسافرين كأس العالم لما اتصلت بيه من المطار، وإحنا مش عارفين نسافر، فأنا الناس اللي بتوجهلهم بالكلام هما الاتنين اللي ذكرتهم بالاسم، الاستاذ جورج سمير نائب رئيس الاتحاد، وكريم وجيه مش عارفة إيه منصبه في الاتحاد بالضبط يعني بس هو فيه.
وواصلت لاعبة منتخب مصر: موضوع النيابة والوقف ده مش مهتمة الحقيقة هو مجرد امتداد للفساد، لو عملت حاجة تستوجب التحقيق على السوشيال ميديا فهم يستوجب التحقيق معاهم أضعاف على قرارات اتاخدت على أرض الواقع والمقال ده لوحده جريمة بصراحة.
واختتم شروق وفا: كاتبين إني أخدت مكافأة من الوزارة على بطولة إفريقيا وأنا مأخدتش أي حاجة بجملة الكذب، وبعدين يكتبوا إن أنا اللي بقول معلومات مغلوطة، والكلام العبيط اللي سمعته برده إني بعمل كده عشان أخد جنسية أيرلندا، لا هي ملهاش أي علاقة الحقيقة كدة كدة بقدم عليها عشان عايشة وبشتغل في البلد، وتغيير اتحاد الشطرنج ملوش علاقة بالتجنيس أنا كان ممكن اغيره بالإقامة عادي أي وقت آخر خمس سنين، وهما كانوا مرحبين جدًا بالموضوع لأن هكون الوحيدة عندهم وتاني أعلى تقييم في البلد.
