طليقة أحمد مكي توضح: الكلام ده عيب.. وهذا سبب حديثي عن الانفصال علنًا
كشفت مي كمال الدين طليقة الفنان أحمد مكي، لأول مرة عن تفاصيل خاصة عن علاقتهما السابقة، مؤكدة زواجها وانفصالها رسميا عن مكي، ومتحدثة بصدق ومشاعر مؤثرة عن موقفها من الانفصال.
وقالت مي خلال تصريحات تلفزيونية: أكيد ربنا هيكتبلي أني أعيش مع حد تاني.. بس أنا بحب أحمد مكي جدا.. والدبلة اللي في إيدي لسه عليها اسمه.. وأنا لسه بحبه وزعلانة جدا على خسارته.. بس مش قادرة أعاند إرادة ربنا.
سبب عدم إعلان الزواج سابقا
وفي ردها على تساؤلات الجمهور حول سبب عدم إعلان زواجهما سابقا، أوضحت مي أن زواجهما لم يكن سرا بالنسبة للمحيطين بهما، مؤكدة: كل المقربين مننا عارفين إننا كنا متجوزين، لكن ماكناش مجبرين نعلن ده للناس. وأحمد كان دايما رافض ينشر أي حاجة تخص حياته الشخصية.
أما عن سبب إعلانها المفاجئ عن الانفصال، فقالت مي إنها فوجئت بتداول صور وفيديوهات تشير إلى استعداد أحمد مكي للزواج منها، وهو ما دفعها لتوضيح الحقيقة احتراما لنفسها ولمن يعرفونها.
وأضافت: السبب اللي خلاني أطلع أقول إني انفصلت عن أحمد مكي، هو إني لاقيت صور وفيديوهات بيتقال فيها إنه بيستعد للزواج مني، وإحنا أصلا كنا متجوزين وانفصلنا.
طب إزاي بيستعد للزواج مني وأنا كنت مراته؟ طب الناس اللي كانوا بيشوفونا مع بعض قبل كده هيقولوا عليا إيه؟ عيب الكلام اللي اتقال ده.
