المشكلة في بدل الرقص.. مديحة حمدي تتصدر التريند بعد تصريحاتها عن أكاديمية الرقص
تصدّرت الفنانة مديحة حمدي محركات البحث خلال الساعات الماضية، وذلك بعد تصريحاتها الأخيرة التي أثارت جدلًا واسعًا حول افتتاح أكاديمية لتعليم الرقص في مصر.
مديحة حمدي عن افتتاح أكاديمية لـ الرقص الشرقي: المشكلة في بدل الرقص
وقالت مديحة حمدي في تصريحات تليفزيونية: المشكلة في بدل الرقص، مش في الرقص نفسه ولكن في بدل الراقصات، لأن الرقص الشرقي موجود من أيام الفراعنة ومتصور على المعابد، ولكن البدل اللي بتتلبس هي المشكلة، إحنا عمرنا ما حسينا بكده مع مدام تحية كاريوكا أو مدام سامية جمال، مكنش تقليد الغرب بالشكل دا، لكن دلوقتي بقى العالم مفتوح على بعضه.
فيما كشفت دينا عن رأيها مؤخرًا في بعض الانتقادات التي توجه لها بعد افتتاحها أكاديمية للرقص، من خلال أحد البرامج التلفزيونية قائلة: مش سهل تطلع الست رقاصة، الرقص مش مجرد حركة، ده فن ورسالة، وإحنا في الأكاديمية مش بس بندرب على الرقص، إحنا كمان بنعالج ناس من الاكتئاب بالرقص العلاجي، موضحة أن الأكاديمية تتعاون مع أطباء نفسيين متخصصين لتقديم دعم علاجي متكامل.
وتابعت: الأكاديمية فيها جميع أنواع الرقص، وعندنا مُدرسة للأطفال، والهدف إننا نقدم فن حقيقي وأكاديمي بمعايير عالمية، لافتة إلى أن فكرة الأكاديمية تستهدف رفع مستوى الفنون في مصر، وتقديم شكل احترافي للرقص يليق بمكانة مصر الثقافية والفنية.
مديحة حمدي عن عزاء سميحة أيوب
ومن جانب آخر، سبق وعلّقت مديحة حمدي على الانتقادات التي طالت ظهورها الأخير خلال عزاء الفنانة الراحلة سميحة أيوب، بعد أن زعم البعض تخليها عن الحجاب وقالت في تصريح لـ القاهرة 24: مكنتش عارفة أقف ولا أضبط نفسي، الناس سابت الانهيار اللي كنت فيه وبيركزوا في إيه؟، علاقتي بـ سميحة أيوب من 50 سنة كانت أمي وصديقتي وصندوقي الأسود وأنا بالنسبة ليها كده، وهي مكنتش بتثق في حد غيري أنا ده عموم الناس زعلوا.
وتابعت: أومال أنا علاقتي بيها إيه، عيب يا ناس بصوا لتاريخي وسلوكي والأدوار اللي أنا بعملها وأولادي وزوجي وعائلتي وأبويا اللي كان وزير، ده عيب أنا كنت عايزة الناس يكون عندهم إنسانية.
