ردوها من على الباب.. حضانة ترفض قبول ابنة إبراهيم شيكا بسبب مشاكل والدتها على السوشيال ميديا
أثار رفض إحدى الحضانات بعين شمس قبول ابنة لاعب نادي الزمالك الأسبق إبراهيم شيكا، حالة جدل واسعة عبر منصات التواصل الاجتماعي.
حضانة ترفض قبول ابنة إبراهيم شيكا بسبب مشاكل والدتها على السوشيال ميديا
وقال مصدر مقرب من أسرة اللاعب إبراهيم شيكا في تفاصيل خاصة لـ القاهرة 24: هبة راحت تقدم لبنتها في الحضانة، اتفاجئت أن المشرفة بتكلمها من على الباب وبتقولها لا مش هنقبل البنت.
وتابعت: فا سألتها هبة قالتها أنت تعرفيني؟ قالتلها اه ومش هقبل بنتك بسبب المشاكل اللي عاملينها على السوشيال ميديا، وطبعا الموقف اللي حصل ده ضايقنا جدا وأحبطنا وبقينا مش قادرين نتحمل كل الكلام اللي على السوشيال ميديا.
وأضاف: ولاد شيكا ملهومش ذنب في اللي بيحصل ولا الإشاعات اللي بتتقال وحسبي الله ونعم الوكيل في كل اللي قال في حقهم كلمة وحشة، ومن حق عيال شيكا يعيشوا حياة طبيعية بعيدا عن كل المشاكل اللي بتحصل وهتحصل.
وفي وقت سابق، طالبت عائلة لاعب نادي الزمالك الأسبق إبراهيم شيكا بتشريح جثمانه لزعمهم وجود شبهة تجارة أعضاء في وفاته.
