مجدي عبد الغني يعلق على واقعة تسريب ميدو في الاستوديو التحليلي
علق مجدي عبد الغني نجم النادي الأهلي السابق، ومنتخب مصر على الواقعة الشهيرة لـ تسريب أحمد حسام ميدو خلال الاستوديو التحليلي عبر أحد القنوات الفضائية.
تصريحات مجدي عبد الغني
وقال مجدي عبد الغني في تصريحات مع الإعلامي إسلام صادق: أنا ماليش دعوة بالموضوع ده وميدو كان قاعد بيتفرج وقت ما كنا في فاصل.. سألت ميدو بتتفرج على إيه قالي حاجة لطيفة كده، وأنا من باب الفضول قولتله لو عندك حاجة كويسة أبعت.
واختتم مجدي عبد الغني تصريحاته قائلا: أنا مش بتاع موبايلات وأنا جيل أكبر منهم، ووقتها ميدو كمل في القناة عادي وأنا مشوني وقلبوا عليا زي ما يكون عندي جرب.
من ناحية أخرى، شن مجدي عبد الغني، هجومًا على حالة الانقسام داخل صفوف القلعة الحمراء، بعد المشهد الذي جمع بين ياسر إبراهيم ومروان عطية خلال المباراة الأخيرة.
وفي وقت سابق قال مجدي عبد الغني: لقطة ياسر إبراهيم ومروان عطية بتوضح أن أوضة اللبس في الأهلي متفرتكة، ومفيش لاعب في الكرة بيقيم نفسه، زمان كنا بنلعب ومكناش نعرف إذا كنا كويسين ولا لأ، خصوصًا إن اللي حصل على الجائزة زميله ومن نفس الفريق مش من الفريق المنافس.
وأكد نجم الأهلي السابق: غياب زيزو مؤثر جدًا، دا لاعب بـ100 وشوية مليون، لاعب مميز وكان ممكن يخوض لقاء الزمالك بأقصى تركيز علشان يثبت انه صفقة ناجحة.
