أبرز تصريحات صبري عبدالمنعم مع ياسمين عز: مكنتش بشوف وأنا صغير.. ومحمود المليجي قالي في المنام متمشيش في جنازتي
حل الفنان صبري عبدالمنعم ضيفًا على الإعلامية ياسمين عز، في برنامجها كلام الناس، وخلال وجوده تحدث عن العديد من الأسرار عن حياته في الطفولة، والصداقة التي جمعته بـ الراحل محمود المليجي وعن سبب وصيته لهُ بأن لايمشي في جنازته.
وتحدث صبري عبدالمنعم قائلًا: أهلي زمان وأنا صغير لاقوني جسمي شكله اتغير وقطعت النفس، فراحوا طلعولي شهادة وفاة، وفضلت أسبوع قاطع النفس ومش بشوف وجابولي لبس الأزهر وقالوا إني اتعميت وهبقى من طلاب الأزهر ولكن صديق والدي كان دكتور كبير وهو عملي حاجة خلاني فتحت من تاني.
وتابع حديثه: إصحابي كلهم الله يرحمهم وبصحى الصبح مش عارف أكلم مين وساعات بقعد أكلم نفسي وهما ارتاحوا وسبوني لوحدي.
وأردف عن وصية محمود المليجي له بأن لا يمشي في جنازته: محمود المليجي اتعرفت علية سنة 73 وكنت بروح أتفرج على عرض مسرحياته وكنا اصحاب وبتصل عليه وفي سنة 80 كنا بنعمل مسلسل في اليونان وكنت معاه في العمل واحنا اصحاب وكنا بنعمل كل حاجة مع بعض وصداقتنا كانت قوية وكان أب ليا.
وتابع: لما جالنا خبر وفاته كلنا وقعنا من طولنا وفكرني بوفاة أبويا فانمت من التعب لقيته جالي في المنام قالي متمشيش في جنازتي عشان هتبقى تعب عليك وأنت عينك تعباك وادعيلي بس واللي راحوا الجنازة قالولي إن الجنازة كانت صعبة والجو كان وحش.
