صديق إبراهيم شيكا يكشف حقيقة الفيديو المتداول عن لحظة احتضاره | خاص
تداول مستخدمو السوشيال ميديا خلال الساعات الماضية مقطع فيديو يزعمون أنه للحظة احتضار لاعب نادي الزمالك الأسبق إبراهيم شيكا خلال وجوده بالمستشفى، زاعمين التقاط زوجته هبة التركي للفيديو ونشره عبر منصات التواصل الاجتماعي وهو ما آثار حالة غضب وهجوم واسع بسبب انتهاك حرمة الموتى خلال الساعات الماضية.
صديق إبراهيم شيكا يوضح حقيقة الفيديو المتداول عن لحظة احتضاره
وقال محمد إيهاب صديق إبراهيم شيكا في تصريحات خاصة لــ القاهرة 24: الفيديو المنتشر على السوشيال ميديا والناس بتهاجم زوجة شيكا بسببه فيديو مش حقيقي تمامًا، لأن لو ركزنا على ملامح الشخص اللي فيه هنلاقيه مش شيكا أبدًا.
وأضاف صديق إبراهيم شيكا: الراجل اللي ظهر في الفيديو باكستاني وكذا حد من أهله كاتبين الكومنتات دي على الفيديو لكن للأسف الشائعات زادت جدًا بخصوص موضوع وفاة شيكا، وهبة التركي استحالة تصور شيكا قبل وفاته.. الطبيعي إنها هتكون مشغولة في حالة جوزها، ولا هتسيبه وتصور فيديو؟
وأكمل صديق شيكا: الناس بتهاجمنا من غير سبب والفيديو فجأة بقى تريند سلبي على السوشيال ميديا ياريت نتأكد من صحة المعلومات لأن نفسية عيلة شيكا تعبت من كل اللي بيتقال ويظهر على السوشيال ميديا، ولآخر مرة بقول الفيديو مش لشيكا.
