آذتني في رزقي.. أول رد من مديرة الحضانة على أزمة رفضها ابنة إبراهيم شيكا
أثار رفض ابنة لاعب نادي الزمالك الراحل إبراهيم شيكا، حالة جدل واسعة خلال الساعات القليلة المقبلة، بعد زعم زوجته رفض إحدى الحضانات بعين شمس قبول ابنتها كيان بسبب الشائعات المنتشرة حول السوشيال ميديا، وهو ما نفته تمامًا مديرة الحضانة بدورها.
أول رد من مديرة الحضانة على أزمة رفضها ابنة لاعب الزمالك إبراهيم شيكا
وقالت مديرة الحضانة في تصريحات خاصة لـ القاهرة 24: كل اللي قالته زوجة إبراهيم شيكا على السوشيال ميديا عن رفض ابنتها غير صحيح، اللي حصل إن مشرفة الحضانة رفضت دخولها في الوقت ده لأنه غير مخصص لأولياء الأمور، ودي سياسة المكان مش ليها بالتحديد، ولما بعتلها رسالة على أساس تيجي وتقدم لابنتها في الحضانة ورفضت.
وأردفت: اللي زوجة إبراهيم شيكا عملته فيه مشكلة كبيرة لأنها آذتني في رزقي وأكل عيشي ومش مسامحة في حقي ليوم الدين وهرفع قضية لأنها ضرتني في أكل عيشي، وأنا بجري على 5 أولاد زيك يا هبة وده مشروع بتاعي ولما تطلعي تقولي كلام محصلش، يبقى لازم أرد واخد حقي بالقانون، وهرفع قضية تشهير عليكي عشان حقي يرجع.
