اعترافات فرد أمن ملهى ليلي متهم في مشاجرة عصام صاصا: المطرب جاب ناس ضربوني لاعتراضه على التفتيش | انفراد
كشفت التحقيقات في القضية رقم 11501 جنح قسم دار السلام والمتهم فيها مطرب المهرجانات عصام صاصا وآخرين بالتشاجر مع عدد من أفراد أمن شركة حراسات خاصة داخل ملهى ليلي بالمعادي بسبب التفتيش مما أسفر عن إصابة عدة أشخاص.
اعترافات المتهمين في قضية مشاجرة عصام صاصا أمام ملهى ليلي بالمعادي
وينفرد القاهرة 24 بنشر اعترافات المتهمين في قضية مشاجرة مطرب المهرجانات عصام صاصا وآخرين داخل ملهى ليلي بالمعادي بسبب التفتيش مما أسفر عن إصابة عدة أشخاص.
وجاءت أقوال محمد ي فرد أمن بشركة تأمين خاصة خلال استجوابه أمام جهات التحقيق المختصة كالتالي:
س- انت متهم باستعراض القوة والتلويح بالعنف بقصد بث الرعب في نفوس المواطنين بقصد فرض السيطرة وتكدير أمنهم وسلامتهم؟
ج- محصلش.
س- ما قولك فيما هو منسوب إليك من أنك متهم بالاشتراك مع آخرين في تعمد تعطيل حركة المرور، وذلك على النحو المبين بالأوراق؟
ج - محصلش.
س- ما قولك فيما هو منسوب إليك من أنك متهم بإتلاف السيارة ك أ ق 1724 قيادة المدعو عصام عصام طه طلعت، وذلك على النحو المبين بالأوراق؟
ج- محصلش.
س- ما هي ظروف ضبطك وعرضك علينا الآن؟
ج- اللي حصل إني فرد أمن في شركة الهضبة الخاصة بتأمين المركب السياحي نايل بوينت وكان المغني اللي اسمه عصام صاصا داخل هو ومراته وكان داخل ناس معاه فجينا نفتشهم عشان الجهاز كان مصفر فهما مرضيوش وبعدها حصلت مشادة كلامية فيما بينا وبعد كده الدنيا اتلمت ما بينا.
وأضاف فرد أمن في مشاجرة عصام صاصا: وبعد كده بنص ساعة واحد معاهم اسمه معاذ جاب ناس معاه وراحوا ضربوني وكان معاهم أسلحة بيضاء ونزفت دم كتير واخدت الموتوسيكل بتاعي ورحت على مستشفى قصر العيني وأنا في الطريق كان فيه عربية بي إم إكس بيضاء كانت معدية وأنا بحاول أمشي على الطريق الموتوسيكل فلت مني وخبط فيها عشان كنت بنزف ومش عارف أسوق وبعدها جه واحد صاحبي ركبني تاكسي ووداني على مستشفى قصر العيني وخيطت هناك وبعد كده الضابط اللي كان معايا هناك جابني على النيابة وده كل اللي حصل.
