سميح ساويرس: دخول إعمار مصر لإقامة مشروع سياحي في البحر الأحمر يجذب نوعية جديدة من السياح
علق رجل الأعمال سميح ساويرس، رئيس مجلس إدارة أوراسكوم للتنمية القابضة سابقًا، على دخول إعمار مصر وسيتي ستارز لتنمية مشروع مراسي البحر الأحمر، مؤكدًا أن زيادة عدد المشروعات الجيدة داخل مصر تسهم في جذب مزيد من المستثمرين والسياح.
وأكد سميح ساويرس أن جودة المشروعات هي المفتاح الحقيقي لتحفيز الإقبال على السوق المصري.
وأضاف ساويرس خلال تصريحات لبرنامج الصورة: أنا مؤمن إن كل ما تزيد نوعية المشروعات الجيدة، كل ما البلد يحصل عليها إقبال أكتر من اللي يمكن ما كانوش جايين قبل كده، لأن المشاريع دي بتجذب نوعية جديدة من السياح أو المشترين اللي ممكن يقولوا خلينا نروح نشوف الجونة شكلها إيه.
وأكمل سميح ساويرس: لو عندنا 30 أو 40 جونة في مصر هيكون ده شيء ممتاز، لأنها مشروعات بتضيف للاقتصاد وبتخلق فرص عمل، مش بتاخد أراضي البلد وتجري.
وأشار ساويرس إلى أن تنفيذ هذه النوعية من المشروعات يتطلب قدرات خاصة، قائلًا: هو كام واحد في مصر يقدر يعمل مشروع زي ده؟ الشربتلي مثلًا كان معاه الأرض من زمان، لكنه ما قدرش يستثمر فيها بالشكل المطلوب.
وأوضح سميح ساويرس أن التوسع في المشروعات السياحية والعقارية ذات الجودة العالية من شأنه أن يرفع مكانة مصر كمقصد جاذب للاستثمار والسياحة، ويسهم في تنشيط حركة التشغيل والتنمية في مختلف المناطق.
