يسرا: سمير صبري سبب إني أرجع أشتغل.. واللي بيقول الشهرة بتضايق ويفضل فيها كداب
تحدثت الفنانة يسرا عن ذكرياتها مع الفنان الراحل سمير صبري، مشيرة إلى أنه سبب في رجوعها للساحة الفنية بعد تعرضها لحادث تسبب في تشوه وجهها.
وقالت يسرا في لقائها مع 121: سمير صبري اللي وقف معايا وأنا لوحدي مش هنسى لما عملت حادثة ووشي اتفتح أصر وقتها إني أرجع وأشتغل تاني والناس كانت خايفة.
وتابعت: عملت عمليتين في 36 ساعة، وسمير صبري كان جنبي طول الوقت، هو اللي رجعني أشتغل كان مؤمن بيا، وكان في شخصية في حياتي مضيقاني، قضى عليها.
وتطرق حديث يسرا إلى الشهرة وهل كانت سبب في إزعاجها بيوم من الأيام، معلقة: اللي بيقول الشهرة بتضايق ويفضل فيها كداب، هو عاوز يتشهر، أنا مع الجمهور بحس إني مدينة له، بيحبك من غير شروط بس مينفعش يدخل في حياتك أكتر من اللازم حياتك بتاعتك مش بتاعت حد تاني، وأنك تكوني لطيفة معاه ده أقل حاجة بعد الحب اللي بيدهولك.
يسرا
وفي سياق آخر، سبق وأشادت الفنانة يسرا، بدور مصر في اتفاق وقف الحرب بقطاع غزة، لافتة إلى الجهد الكبير المبذول من الرئيس السيسي رغم كل الظروف.
وقالت الفنانة يسرا خلال تصريحات تليفزيونية: أشكر الرئيس السيسي على الجهد المبذول لوقف إطلاق النار، الرئيس أوفى تماما بوعوده لنا وفرحتنا كبيرة، مفيش إنسان مش فرحان وعندي ثقة عظيمة في حبه لبلده.
