يسرا: والدي رفض في بداياتي دور العشيقة.. وتسبب لي في عقدة لما أخذني من والدتي
قالت الفنانة يسرا إنها رفضت دور في وقت سابق بسبب رفض والدها لدور العشيقة، كما أشارت إلى إنها مؤخرًا أصبحت لا تحب المرايات بشكل كبير.
وأضافت يسرا خلال لقائها ببرنامج 121: حاليًا بطلت أحب المرايا لأنها بتخليني مركزة في حاجات معينة وده بيخليني مش أنا.. وأنا بحب أكون نفسي بكل عيوبي، وكنت بحب شكلي وأنا صغيرة وبتمنى أخس أكتر دلوقتي.
وأكملت يسرا: اتعرض عليا دور في فيلم عملته صفية العمري ووالدي رفضه وقالي بنتي متطلعش عشيقة.
وواصلت يسرا: والدي أخدني وأنا عندي 14 سنة وقعدت سنة ونص مشوفش أمي وكانت تروما بالنسبالي، وعيشت مع شخص أنا مش عارفاه أوي اللي هو أبويا، مامتي كانت كل حاجة في حياتي.
يسرا تشيد بـ دور مصر في اتفاق وقف الحرب بغزة
وفي سياق آخر، سبق وأشادت الفنانة يسرا، بدور مصر في اتفاق وقف الحرب بقطاع غزة، لافتة إلى الجهد الكبير المبذول من الرئيس السيسي رغم كل الظروف.
وقالت خلال تصريحات تليفزيونية: أشكر الرئيس السيسي على الجهد المبذول لوقف إطلاق النار، الرئيس أوفى تماما بوعوده لنا وفرحتنا كبيرة، مفيش إنسان مش فرحان وعندي ثقة عظيمة في حبه لبلده.
