نيللي كريم: ناقشنا عمالة الأطفال بجرأة في فيلم Happy Birthday.. واختياراتي بقت جريئة
تحدثت الفنانة نيللي كريم، عن فيلهما Happy Birthday، المقرر عرضه الليلة خلال فعاليات مهرجان الجونة السينمائي بدورته الثامنة، بجانب حديثها عن اختياراتها الفنية ومسلسلها المقبل في موسم رمضان 2026.
وقالت نيللي كريم، في لقائها مع قناة النهار، على هامش حضورها حفل افتتاح مهرجان الجونة السينمائي: فيلم مهرجان بالنسبة ليا قصة تهم أي حد، وناقشنا عمالة الأطفال بـ جرأة في فيلم هابي بيرث داي وهو فيلم رقيق جدًا، واختياراتي بقت جريئة وبقيت عايزة أعمل الحاجة اللي بحبها ونفسي أقدمه مش مضطرة، الورق مش سهل نلاقي كتابة حلوة، بختار أحسن اللي موجود أو بختار فكرة نفسي أقدمها.
وتابعت نيللي كريم: دلوقتي بقى في فنانين شباب ومخرجين، ودلوقتي أنا شايفة أن السينما في تقدم والدراما في تقدم وبقى في تنوع، وأنا متبسطتش بتجربة الـ 15 حلقة في رمضان حاسة أنهم قليلين على رمضان، لما عملت مسلسلات 30 حلقة كانت مواضع مهمة والناس بتتفرج.
تفاصيل مهرجان الجونة
مهرجان الجونة السينمائي هو أحد المهرجانات الرائدة في منطقة الشرق الأوسط وشمال أفريقيا، يهدف إلى خلق تواصل أفضل بين الثقافات من خلال السينما، ووصل صناع الأفلام من المنطقة بنظرائهم الدوليين من أجل تعزيز روح التعاون والتبادل الثقافي، ويلتزم المهرجان باكتشاف الأصوات السينمائية الجديدة، ويتحمس ليكون محفزًا لتطوير السينما في العالم العربي، خاصة من خلال ذراع الصناعة الخاصة به، منصة سيني جونة.
