نجيب ساويرس: مهرجان الجونة أصبح منبرا لصناعة السينما ومفيش منه عائد مادي
تحدث المهندس نجيب ساويرس، عن مهرجان الجونة السينمائي، موضحًا أن المهرجان أصبح منبرًا لصناعة السينما، مؤكدًا أن المهرجان لا يجلب له عائدا ماديا، وأنه ينظمه بسبب حبه الكبير وشغفه في صناعة السينما.
وقال نجيب ساويرس، في لقائه مع الإعلامية مفيدة شيحة: في أفلام كتير مشاركة في مهرجان الجونة السينمائي واخدة جوائز قبل ما تجيلنا، أو جاتلنا وبعدين خدت جوائز، كل سنة ده بيحصل والإقبال على المهرجان بيزيد والجودة بتاعة المشاركين بتعلى، مهرجان الجونة بقى زي منبر لصناعة السينما، نسيبنا من الهيافات والكلام الفارغ بتاع الفساتين، صناعة السينما بتيجي هنا بتلاقي نفسها، في حراك دائم والصناع الحقيقيين موجودين هنا.
وأضاف نجيب ساويرس: الموضوع كبير ومكلف جدًا وبالنسبة لينا مفيش عائد، أنا بعمل المهرجان علشان بحب السينما، الفلوس متفرقش لأن مين يقدر يعمل زي الجونة تاني؟، المنافسة كويسة ولكن لما حد بيقولي ننافس الجونة بيبقى صعب.
نجيب ساويرس في افتتاح الجونة السينمائي: من حقنا نفرح بانتهاء الحرب في غزة
وعلى جانب آخر، كان أعرب المهندس نجيب ساويرس، عن سعادته الكبرى وفخره بإنهاء الحرب في غزة، مؤكدًا أن العام الماضي إدارة مهرجان الجونة قدمت فعاليات وهي في حالة حزن كبرى بسبب أحداث فلسطين، حيث قال في كلمته خلال افتتاح فعاليات الدورة الثامنة لمهرجان الجونة السينمائي: من حقنا نفرح السنة دي، السنة اللي فاتت المهرجان اتعمل وكنا زعلانين عشان اللي بيحصل في غزة، بس خلاص من حقنا نفرح عشان الحرب خلصت، الأخبار كلها حلوة وصعدنا كأس العالم والاقتصاد بتاعنا ماشي حلو واللي يزعل يزعل ويارب تكمل الفرحة بمهرجان الجونة.
