حسن الرداد يكشف سبب غياب إيمي سمير غانم عن مهرجان الجونة السينمائي.. ويعلق: ممكن ولادنا يظهروا معانا قريب
كشف الفنان حسن الرداد، سبب غياب زوجته الفنانة إيمي سمير غانم، عن حضور فعاليات الدورة الثامنة من مهرجان الجونة السينمائي برفقته، بجانب الكشف عن إمكانية ظهور أبنائهما برفقتهما خلال الفترة المقبلة.
وقال حسن الرداد، في لقائه مع القاهرة 24: إيمي مقدرتش تيجي مهرجان الجونة، لأن ابننا كان تعبان شوية، وإن شاء الله الدورة اللي جاية أو أي حدث فني تكون موجودة.
وعن إمكانية ظهور أبنائهما رفقتهما وتسميته لهم على اسم والدته وشقيقه الراحل، فعلق حسن الرداد: ممكن ابني وبنتي يظهروا معانا قريب، وأنا كنت بقول في البرامج لما والدتي كانت عايشة أن لو ربنا رزقني بـ أولاد زلام اسمي فادي وفادية ولو خلفت أكتر من كده مراتي تسمي، وده قولته قبل ما أعرف إيمي، وهي نفسها كانت موافقة على الأسماء من وهي حامل.
أما عن حرصه على حضور فعاليات مهرجان الجونة السينمائي، فعلق حسن الرداد: لما بروح مهرجان بحب أني أحضر أكتر حاجة ممكنة لأن المهرجان مش ريد كاربت ولا مجرد احتفالية، طبعًا الاحتفالية جميلة ولكن بحب أحضر الندوات وأقابل الفنانين، يعني النجوم اللي متجمعين هنا صعب جدًا أننا نتقابل في القاهرة، فببقى سعيد أني شفت أصدقائي واتعرفت على ناس جديدة، وبشوف الأفلام وبحضر الندوات.
