مايان السيد: فخورة بشغلي أيًا كانت نتيجته.. ومستنية اليوم اللي همثل فيه مع منة شلبي
تحدثت الفنانة مايان السيد، عن مشاركتها في فيلم كولونيا، رفقة الفنان أحمد مالك، والفلسطيني كامل الباشا، الذي عُرض ضمن فعاليات الدورة الثامنة لمهرجان الجونة السينمائي، بجانب الكشف عن أمنيتها بالتمثيل أمام الفنانة منة شلبي.
وقالت مايان السيد، في لقائها مع القاهرة 24: أول ما جالي فيلم كولونيا، عجبني جدًا وورق كان لطيف واللي عجبني في الدور إنها بنت شعبية بسيطة من الإسكندرية معافرة بتحب ولد وعندهم قصة، والأحداث بتدور في فترة زمنية قليلة جدًا وفي علاقة كده بين الأب وابنه، آه الفيلم فيه شوية مشاعر تقيلة بس في ناس بتحب ده وأنا منهم.
وعن مشاركتها في فيلم كولونيا فور الانتهاء مباشرة من فيلم هيبتا 2، علقت مايان السيد: أنا متحمسة لأن ده شغلي وتعبت فيه واشتغلت فيه مع ناس عظيمة جدًا ومبسوطة بشغلي وفخورة بيه أيًا كانت النتيجة إيه ومش متوترة وسايباها على ربنا.
مايان السيد تتحدث عن تعاونها مع منة شلبي
كما أوضحت مايان السيد، أنها لم تلتقي تمثيليًا بـ منة شلبي خلال أحداث فيلم هيبتا، قائلة: أنا للأسف ممثلتش مع منة شلبي في فيلم هيبتا لأن كانت قصتي بعيدة عنها، ولكني لسه مستنية اللحظة اللي همثل فيها معاها.
