عامل مزلقان مغاغة بعد إنقاذ سيدة من الموت: واجبي ومبسوط باللي عملته
محافظات
الواقعة
تداول مستخدمو مواقع التواصل الاجتماعي مقطع فيديو لـ عامل مزلقان مغاغة بمحافظة المنيا، ينقذ سيدة من موت محقق أسفل عجلات القطار.
عامل مزلقان مغاغة بعد إنقاذ سيدة من الموت: واجبي ومبسوط باللي عملته
وقال فارس منصور عامل المزلقان في بث مباشر عبر القاهرة 24: السيدة كانت بتتكلم في التليفون وهي معدّية، وحذرناها لكنها مخدتش بالها، وفجأة اتحركت ناحية القطر، حاولت أنقذها والقطر كان قريب جدًا مننا. الناس كانت بتصرخ من الموقف، والحمد لله قدرت أنقذها ومبسوط باللي عملته وده واجبي.
وأضاف: روح ربنا خلقها وكان لازم أنقذها، عملت كده لله، وزمايلي شكروني على اللي حصل. بعد الموقف فضلت شوية في ذهول، لكني بتشرف باللي عملته.
وأردفت ابنة عامل المزلقان: شفت بابا على النت وفرحت جدًا وهو بينقذ السيدة، حسّيت إن بابا بطل.
وواصل نجله: فخور بيه علشان هو شجاع وأنقذ الست ومخفش.
