شيماء سيف تكشف موقفا خيريا لـ يسرا: بتطبق الفلوس وتحطها تحت باب المحلات المقفولة

كشفت الفنانة شيماء سيف، موقفًا خيريًا للفنانة يسرا، خلال تصوير مسلسل 1000 حمدالله على السلامة، الذي عُرض في موسم رمضان 2023، موضحة أن مساعدة يسرا للغير أمر فطري بطبيعتها.

وقالت شيماء سيف، خلال حضورها ندوة يسرا بمهرجان الجونة السينمائي: كنا بنصور مسلسل 1000 حمدالله على السلامة الصبح بدري والمحلات كلها قافلة، يسرا كانت بتطبق الفلوس وتحطها من تحت الباب بتاع المحلات علشان يصحوا ويلاقوا حاجة حلوة هي عملتها وتسعدهم.. فخورة أنك الـ Best friend بتاعتي.

يسرا: الـ 25 عملا اللي قدمتهم في بدايتي سقطوا

ومن ناحية أخرى، كانت تحدثت الفنانة يسرا في ندوتها بالجونة السينمائي، عن بداياتها في مجال الفن والصعوبات التي واجهتها خلال تلك الفترة، بعد مشاركتها في عدد من الأعمال التي لم تحقق النجاح المنتظر، قائلة الـ 25 فيلما اللي عملتهم في بداية حياتي سقطوا سقوط ذريع، قلت طب هكمل ليه والغلط جاي من مين؟، بدأت أحاسب نفسي وروحت المعهد وأنا مش تلميذة فيه.

كما تطرقت للحديث عن علاقتها بالجمهور، وقالت: الوقت علمني إن حتى لما يبقى في حاجة مضايقاني الجمهور ملوش ذنب، إنتو ليكوا حق عليا إلى حد ما وإني أكون معاكم، بس إن حياتي تكون مفتوحة تمامًا قدامكم دي حاجة مش هتريحني، والنهاردة بنقول كلام على السوشيال ميديا وبيتقص وكل واحد بيعمل حاجة على مزاجه ف ده بيخليني أكون واخدة بالي أكتر.

يسرا: الـ 25 فيلما اللي قدمتهم ببدايتي سقطوا.. وأجري في الإرهاب والكباب كان 10 جنيهات

يسرا: مفهمتش حاجة من سيناريو حدوتة مصرية أول ما قرأته