حنان مطاوع تطالب بوضع قوانين لمنع انتهاك خصوصية الفنانين بـ الـ Ai
طالبت الفنانة حنان مطاوع المسؤولين والجهات المختصة، بضرورة وضع قوانين صارمة لمنع انتهاك خصوصية الفنانين بـ الـ Ai، وذلك بعد الانتشار الكبير لاستخدام الذكاء الاصطناعي بصور الفنانين وانتهاك خصوصيتها.
وقالت الفنانة حنان مطاوع عن تفاصيل أزمتها مع صور الـ Ai، حيث أوضحت في لقائها مع منى الشاذلي: نفسي نحط قانون، لأن في ناس ممكن تنتهك ده بصور مش كريمة مش جميلة، وبعدين إحنا ليه نربك الناس لدرجة لحظة من اللحظات تطلعي تقولي لأ ده مش أنا، الله انتي جاية تدافعي دلوقت ما انتي قابلة كده طب اشمعنى ده.
وتابعت حنان مطاوع: فجأة تلاقي الحقيقة في لحظه من اللحظات ضاعت، الباطل بقى ليه مدافعين وعنده براهين بالصوت والصورة، والحق ليه مدافعين وعنده براهين بالصوت والصورة.
وأضافت حنان مطاوع: طب ما تيجي نحط قانون فاصل إنه مينزلش الحاجات دي غير بموافقة من الأطراف المعنية لضمان الحقوق.
واستكملت حنان مطاوع حديثها: مش كل الناس عندها القدرة أنها تتخيل أهلها وتشوفهم بعد وفاتهم، مما لا شك فيه إن أنا ارتضيت قضاء الله إن ربنا ياحْد بابا في المرحلة اللي هو خده ورضيت بده بلاش نصحي الجراح.
ويأتي ذلك بعد أن ظهرت الفنانة حنان مطاوع في فيديو بـ AI، رفقة والدها، وهو الأمر الذي رفضته الفنانة بشكل قاطع.
