ساندي: من أول ما ظهرت مليش منافس.. وربيت أجيال من وأنا صغيرة
تحدثت الفنانة ساندي، عن مكانتها في الساحة الغنائية، مؤكدة أنها لا ترى منافسًا لها منذ بداية مشوارها الفني، كما كشفت عن تفاصيل حالتها الصحية بعد خضوعها لعملية جراحية خلال الأيام الماضية.
ساندي: ربيت أجيال من أنا صغيرة.. وطول عمري مليش منافس
وقالت ساندي خلال لقائها مع القاهرة 24: أنا دايمًا خارج المنافسة، وده مش غرور، بس فعلًا أنا مش شبه حد، من أول ما ظهرت لحد دلوقتي مليش منافس، كنت بتمنى ألاقي حد ينافسني بس مفيش، أنا ربيت جيل كامل وبقيت نوستالجيا من وأنا في سن صغير.
تفاصيل الحالة الصحية لـ ساندي
وعن تفاصيل حالتها الصحية، أوضحت: كان عندي مشكلة في الحاجز الأنفي، بس الحمد لله بقيت كويسة، والجمهور اتخض عليّا جدًا، وده حب أنا بقدّره جدًا.
وفي وقت سابق تحدثت ساندي، عن أغنيتها عمال يدق التي طرحتها الفترة الماضية، والتي تصدرت تريند موقع تيك توك، معربة عن سعادتها الكبيرة بالنجاح الذي حققته الأغنية، حيث قالت، في تصريحات سابقة: أنا موحشتش الجمهور خالص لأن أغنية عمال يدق طالعة تريند بقالها شهر ونص أو شهرين ودي معجزة، المفروض تدخل موسوعة جينيس لأن مفيش أغنية بتفضل تريند كل ده، وده أكبر نجاح عملته، الناس زهقت مني بسبب أغنية عمال يدق، ولكن دي أغنية من 8 سنين مش جديدة ولكنها نجحت مؤخرًا.
