مدحت شلبي يعتذر على الهواء لـ أحمد الشناوي حارس بيراميدز لهذا السبب
قدم الإعلامي مدحت شلبي اعتذاره على الهواء مباشرة لـ أحمد الشناوي حارس مرمى بيراميدز، بعد ان وجه الأخير عتابًا له خلال مداخلة هاتفية بسبب تصريح قديم يعود إلى أكثر من ثماني سنوات.
مدحت شلبي يعتذر على الهواء مباشرة لـ أحمد الشناوي حارس بيراميدز لهذا السبب
وقال الشناوي خلال المداخلة: عندي عتاب عليك يا كابتن مدحت في حاجة انت قولتها من 7 أو 8 سنين ومزعلاني لحد دلوقتي، حضرتك قلت خلال خوضي مباراة مع المنتخب إني محتاج دكتور نفساني وإني مش بستحمل الضغوط عشان كده بتصاب في المباريات الكبيرة.
وأضاف حارس بيراميدز: الفترة دي كانت صعبة عليّ وكنت مصاب فعلًا، لكني بلعب الماتشات الكبيرة عادي، وما كنتش بستسلم وقتها رغم الظروف.
ورد الإعلامي مدحت شلبي على حديث الشناوي مازحًا: انت لسه فاكر من 8 سنين؟ إنت قلبك أسود قوي يا شناوي، ثم أضاف شلبي معتذرًا: بعتذر لك يا شناوي، وانت حارس كبير وقماشتك الحقيقية ظهرت، وتستحق الانضمام إلى منتخب مصر مع الكابتن حسام حسن بمستواك الحالي.
