بيساعد اخواته.. عائلة الصغير يونس تستغيث لعلاجه من ضمور العضلات: باقٍ 9 ملايين جنيه لإكمال ثمن الحقنة
استغاثت عائلة الصغير يونس مريض ضمور العضلات، لجمع تبرعات الجرعة الثانية من علاجه مع اقتراب إغلاق حسابات الصغير التابعة لوزارة التضامن الاجتماعي في شهر ديسمبر المقبل، وحتى الآن لم تجمع الأسرة إلا تكاليف الجرعة الأولى فقط.
عائلة الصغير يونس تستغيث لعلاجه من ضمور العضلات
وقالت إحدى أفراد عائلة الصغير يونس في تصريحات خاصة لـ القاهرة 24: باقي على تبرعات علاج يونس 9 مليون جنيه عشان نقدر نشتري الحقنة العلاجية للجرعة الثانية، الحمد لله كملنا تكاليف علاج الجرعة الأولى، بس باقي كده جرعتين للعلاج.
وأردفت: المشكلة الأكبر اللي بنواجهها حاليًا مش بس نقص التبرعات أو عدم اكتمالها لكن حسابات يونس التابعة لوزارة التضامن هتتقفل في شهر 12، لأن كده عدى عليها سنتين ودي المدة المخصصة من الوزارة نفسها.
وأضافت: يونس هو سند اخواته لأنهم مصابين بنفس المرض لكن خلاص وقت علاجهم انتهى والاتنين مش قادرين على الحركة، هو سندهم وبيعملهم كل حاجة، وبنتمنى من ربنا تكاليف علاجه تكمل وياخد الجرعات عشان يبقى سند اخواته ويفضل واقف على رجله، ياريت الناس تدعيله وتدعمنا نقدر نكمل تبرعاته.
