نيللي كريم: فيه ناس متستاهلش الحب.. والرجولة مش مجرد كلمة
تحدثت الفنانة نيللي كريم، عن الحب في حياتها والمواصفات التي تتمنى تواجدها في شريك حياتها المستقبلي، موضحة أن الغالبية بالوقت الحالي يخشون تحمل المسؤولية.
وقالت نيللي كريم، في تصريحات تلفزيونية: الحب دايمًا نعمة، ولكن في حب لناس تستاهل وناس متستاهلش، والرجولة مش مجرد كلمة لازم يكون عنده كلمته وراجل مسؤول، وإحنا عايشين في زمن دلوقتي الناس بتخاف من المسؤولية، ومرة كنت بتكلم مع صاحبتي وقالتلي محتاجين نحط في النيل فيتامينات تقوي الرجولة.
نيللي كريم
وفي وقت سابق، تحدثت نيللي كريم، عن فيلهما Happy Birthday، المقرر عرضه خلال فعاليات مهرجان الجونة السينمائي بدورته الثامنة، حيث قالت في تصريحات تلفزيونية: فيلم مهرجان بالنسبة ليا قصة تهم أي حد، وناقشنا عمالة الصغار بجرأة في فيلم هابي بيرث داي وهو فيلم رقيق جدًا، واختياراتي بقت جريئة وبقيت عايزة أعمل الحاجة اللي بحبها ونفسي أقدمها مش مضطرة، الورق مش سهل نلاقي كتابة حلوة، بختار أحسن اللي موجود أو بختار فكرة نفسي أقدمها.
واستكملت نيللي كريم: دلوقتي بقى فيه فنانين شباب ومخرجين، ودلوقتي أنا شايفة إن السينما في تقدم والدراما في تقدم وبقى فيه تنوع، وأنا متبسطتش بتجربة الـ 15 حلقة في رمضان حاسة إنهم قليلين على رمضان، لما عملت مسلسلات 30 حلقة كانت مواضيع مهمة والناس بتتفرج.
