أول تعليق من طارق الشيخ بعد اتهامه بسرقة لحن كاريزما لـ إيمي سالم: محدش بيفتكر أغنية بعد 4 سنين
رد الفنان طارق الشيخ على الاتهامات التي وجهت له، بسرقة لحن أغنية كاريزما، للفنانة إيمي سالم، وذلك بعد طرح أغنيته الجديدة تاجر السعادة.
أول تعليق من طارق الشيخ بعد اتهامه بسرقة لحن كاريزما لـ إيمي سالم: محدش بيفتكر أغنية بعد 4 سنين
وقال طارق الشيخ خلال تصريحاته لـ القاهرة 24: معرفش حاجة عن الموضوع ده.. وهو في حد بيفتكر حاجة من 3 شهور لما يفتكر أغنيه بقالها 4 سنين.
وكانت الفنانة إيمي سالم، اتهمت كلا من الفنانين محمود الليثي، وطارق الشيخ بسرقة لحن أغنيتها كاريزما.
وقالت عبر حسابها الرسمي على فيس بوك: أغنيتي كاريزما اتعملت من 4 سنوات، النهاردة لقيت أغنية محمود الليثي وطارق الشيخ اسمها تاجر السعادة ناحتين اللحن، الأغنية مسروقة.
طارق الشيخ: خلافات رضا البحراوي ومحمود الليثي متفق عليها من أجل التريند
ومن جانب آخر، سبق وكشف طارق الشيخ، أن جميع الخلافات التي يظهرها محمود الليثي ورضا البحراوي على السوشيال ميديا، هي متفق عليها من أجل التريند.
وقال في تصريحات تليفزيونية: كل اللي بيعملوه المطربين على السوشيال ميديا ده مسلسلات بيكونوا متفقين عليها، قاعدين بياكلوا مع بعض الصبح، وبعدها يعملوا خناقة على السوشيال من أجل التريند.
كما تحدث طارق الشيخ عن فترة من حياته كان قد تناول فيها المخدرات، حيث قال: مش هقول مشربتش، شربت سيجارة بس مشربتش مخدرات كتير، إنما في ناس بتشرب كوكتيل ربنا يغنينا، بس زي ما فكرت في السيجارة فكرت إزاي أبطلها وبطلت.
