بيحرموهم من الأكل ويسمموهم.. سيدة تزعم إيذاء الكلاب في كمبوند شهير بحدائق أكتوبر
تداول مستخدمو مواقع التواصل الاجتماعي، منشورًا لسيدة تزعم قيام ملاك كمبوند شهير بحدائق أكتوبر بتسميم الحيوانات، وإيذاء الكلاب بشكل غير مباشر ومنع السكان من إطعامهم.
سيدة تزعم إيذاء الكلاب وتسميمها بكمبوند شهير في حدائق أكتوبر
وزعمت سيدة عبر حسابها بمنصة فيسبوك، يا جماعة ملاك كمبوند دجلة جاردنز بيمنعوا إطعام الكلاب والحيوانات واللي بيقوم بإطعامهم بيتعرض لـ التصوير وبينشروا الفيديو بدون إذن في جروباتهم اللي فيها جميع أعضاء إدارة المكان، والناس اللي بتأكل الكلاب بتتهدد إن هيتعملهم مشكلة، ده غير وقائع تسميم الكلاب.
وتابعت: ولما قولتلهم ده غير قانوني وعشان إحنا جيران ده عيب وحرام شرعا وده بيانات وزارة الزراعة، أن ده إيذاء غير مباشر يدويا، كان ردهم إنهم يخرجوني من الجروب لأني مستأجرة وبدخل في شئون مش بتاعتي، وقالولي حسبي الله ونعم الوكيل فيك، إحنا عايزين حقوق الإنسان.
واختتمت: يا جماعة اللي بيحصل ده جريمة بجد دول ملاك دجلة جاردنز بيمنعوا إطعام الكلاب وبيخالفوا القانون وفيه ناس بتقوم بتسميم الكلاب ومات منهم أكتر من ٢٠ كلب.
