مي عمر عن زيارتها للأهرامات: انبهرت بالتطور اللي شفته.. والرئيس السيسي رجع لمصر هيبتها
أعربت الفنانة مي عمر عن فخرها بالتطور الذي تشهده مصر في الآونة الأخيرة، حيث أكدت أن الرئيس السيسي أعاد لمصر هيبتها من خلال الاهتمام بتطوير المعالم السياحية في مصر، أشهرها الأهرامات، التي زارتها مؤخرًا بعد غياب 20 عاما، حيث أشارت إلى أنها انبهرت بالتطور الذي وجدته.
مي عمر عن زيارتها للأهرامات: انبهرت بالتطور اللي شفته.. والرئيس السيسي رجع لمصر هيبتها
وكتبت مي عمر منشورا، عبر حسابها الشخصي بموقع التواصل الاجتماعي فيس بوك، قالت فيه: من وأنا طفلة صغيرة، كان عندي حلم أزور الأهرامات وأحس بعظمة المكان ده، وفعلا زرتها لأول مرة من أكتر من 20 سنة، وقتها كانت لحظة سحرية عمري ما نستها، النهاردة بعد كل السنين دي، رجعت أزور الأهرامات من تاني، ومن اللحظة الأولى انبهرت بالتطور الرهيب اللي شفته، شفت قد إيه المكان اتحول لمزار سياحي عالمي بمعنى الكلمة، المكان بقى منظم، جميل، راقي وكل تفصيلة فيه بقت بتحكي مش بس عن تاريخنا، لكن كمان حاضرنا اللي بنفخر به.
وتابعت مي عمر: ده كله بفضل المجهود الكبير اللي اتعمل، والقيادة اللي آمنت إن مصر تستحق تكون في المكانة دي، كل التقدير والاحترام لفخامة الرئيس عبد الفتاح السيسي، اللي بيشتغل بكل إخلاص علشان يرفع اسم مصر، ويخلي كل مصري يحس بالفخر في كل خطوة وفي كل لحظة، شكرًا لأنك رجّعت لمصر هيبتها، وجمالها، ومكانتها اللي تستحقها.
وأضافت مي عمر: مستنية من كل قلبي لحظة افتتاح المتحف المصري الكبير، لحظة هنعيش فيها فخر جديد، ونشوف حضارتنا العظيمة وهي بتتجدد قدام عيون العالم كله.. مصرية وأفتخر.
