ضربت واحد عاكس مي عمر وبخاف من الموت.. أبرز تصريحات المخرج محمد سامي مع لميس الحديدي
حل المخرج محمد سامي ضيفًا على الإعلامية لميس الحديدي في برنامجها الصورة، وخلال وجوده تحدث عن العديد من الكواليس الخاصة بحياته المهنية والعديد من الأمور الآخرى.
ضربت واحد عاكس مي عمر وبخاف من الموت.. وإليكم أبرز تصريحات المخرج محمد سامي مع لميس الحديدي:-
-مرة اتخانقت مع شخص في أسبانيا عاكس مي مراتي وضربته وكسرت بيه المكان كله.
-بيتقال لي إني بعيش الشخصيات اللي بقدمها ولكن أنا حنون.
-بخاف من الموت جدًا ونفسي أعيش 3 آلاف سنة.
-سألت والدي قبل كده وقولتله هو ينفع تعملوا نور في المقبرة علشان بخاف من الضلمه.
-حفظت القرآن الكريم بسبب إني أتهزقت مرة في المدرسة.
-ممكن اسجد لأمي وبحبها أكتر من نفسي لأنها دمعتها قريبة ويتيمة.
-أنا شخص صعب بسبب إني عندي إصرار على النجاح.
هكون ممثل لأول مرة في مسلسل برمضان 2026
ومن جانبه كان تطرق محمد سامي أيضًا للحديث عن مفهوم السعادة بالنسبة له وقال: السعادة بالنسبة لي هي إن عيلتي تبقى بخير، أنا بخاف جدًا من الفقدان، في وقت من الأوقات حسّيت إن الفلوس عظيمة، بس لما تايا بنتي كان عندها 3 أو 4 سنين فهمت إن مفيش حاجة أغلى من صحتها.
وأضاف محمد: عندي هسهس من السرطان، ومي مش شخصية أوفر زي ما الناس بتقول مرة كلّمتني فجأة وقالتلي: تايا بترجع دم، جريت على البيت ولقيتها ماسكة المناديل كلها دم، كانت أوحش لحظة في حياتي، بدأت أعمل تليفونات وقلت هنسافر فرنسا، وحد يكلمني حد في أمريكا، وكنت عايز أطلع بطيارة خاصة، ولما وصلنا المستشفى الدكتور قال إنها صغيرة وعندها كحة بس.
