بكيت حينما رأيت تفاعل الناس مع مجهودنا.. أحد عمال المخازن بالمتحف الكبير يروي كواليس مشاركته في أعمال الإنشاء
بمشاعر فخر واعتزاز، تحدث محمد جمال، أحد العمال في مشروع المتحف المصري الكبير عن تجربته الفريدة ضمن فريق العمل الذي ساهم في بناء أحد أهم الصروح الثقافية في العالم، والذي من المقرر افتتاحه غدًا السبت 1 نوفمبر 2025.
أحد عمال المخازن بـالمتحف المصري الكبير يروي كواليس مشاركته في أعمال الإنشاء
وقال محمد جمال، في تصريحات خاصة لـ القاهرة 24: كنت بشتغل مع مهندسين الكهرباء في المتحف، ومسكت أمين مخزن الكهرباء، وبدأت شغلي هناك من سنة 2018، كنت موجود في اليوم اللي تم فيه نقل تمثال رمسيس، وفضلت متابع الحدث خطوة بخطوة لحد ما تم وضعه في مكانه بمدخل المتحف.
وأضاف: كان فيه حفر بطول المتحف لعمل أساسات خاصة بالتمثال علشان الوزن الكبير ما يسبش أي مشاكل في التربة، وده كان شغل دقيق جدًا ومبني على حسابات هندسية دقيقة.
وأكد أن رؤية المتحف بعد اكتمال أعماله كانت لحظة لا تُنسى بالنسبة له، موضحًا: لما شوفت المتحف بعد ما خلصوا كل حاجة، فرحت جدًا، وأي حد فينا هيحس بالفخر لو اشتغل حتى يوم واحد في المكان ده، لأنك بتحس إنك شاركت في حاجة عظيمة.
وتابع: لما شوفت الفيديوهات الأخيرة عن الافتتاح عيطت من الفرحة، والصورة المنتشرة لعمال المتحف كانت من اجتماعنا مع مدير الموقع، وقتها قالنا: إنتوا بتبنوا كيان، والعالم كله هيتكلم عنكم، والكلام ده حسسنا بالفخر خصوصا بعد فيديوهات المتحف قبل ساعات من افتتاحه.
افتتاح المتحف المصري الكبير
ويُعد المتحف المصري الكبير مشروعًا ضخمًا بدأ قبل أكثر من 30 عامًا، ليصبح اليوم الأكبر في العالم من نوعه، إذ يضم أكثر من 100 ألف قطعة أثرية، بينها المجموعة الكاملة لفرعون الذهب توت عنخ آمون.
