ابنة مسن السويس في التحقيقات: لقيت واحد بيضرب أبويا بالقلم فصورته | خاص
كشفت التحقيقات في واقعة الاعتداء على مسن السويس، غريب مبارك، بمنطقة جبلاية السيد هاشم الجناين بمحافظة السويس، تفاصيل ما جرى في الواقعة، والأسباب التي دفعت المتهمين لصفعه والاعتداء عليه، وما جاء بأقوال ابنة المسن مصورة الفيديو.
أقوال ابنة مسن السويس في التحقيقات
وينفرد القاهرة 24 بنشر التحقيقات في قضية صفع مسن السويس، واستمعت جهات التحقيق لأقوال ابنة المجني عليه وجاءت كالآتي:
إحنا كنا رايحين البيت بعد الصلاة عشان نجيب العلاج بتاع بابا ولما وصلنا لقينا الباب مقفول بالجنزير وكان فيه واحد واقف اسمه عم سعيد وده يبقي عم علي وعاصم وساعتها هو كلم عاصم عشان يفتحله الباب وفعلًا نزله وفتحله الباب ولما بابا حاول يدخل راح عاصم زقه وقاله مفيش طلوع البيت وراح مكلم علي أخوه وقاله إن غريب موجود وبعدها بأقل من دقيقة لقينا علي وصل عند البيت وفضل يزعق ويشتم في بابا وأنا طلعت الموبايل وصورته وهو بيضرب بابا علي وشه وبعدين الناس اتلمت من حولينا وفضوا الدنيا وبعدها النجدة جت وأخدت بابا.
وتنظر محكمة جنح فيصل والجناين بمحافظة السويس، محاكمة المتهمين، صاحب محل ملابس وشقيقه، بتهمة الاعتداء على مسن السويس ومنعه من دخول منزله.
محاكمة المتهمين بالاعتداء على مسن السويس
وألقت الأجهزة الأمنية بمحافظة السويس، القبض على المتهمين بالاعتداء على المواطن غريب مبارك “مسن”، بعد تداول مقطع فيديو يوثق الواقعة على مواقع التواصل الاجتماعي.
