أحمد مرتضى منصور بالمؤتمر الختامي بأرض اللواء: أنا ابن المنطقة وخدمة الناس أهم من المناصب | فيديو وصور
شهدت منطقة أرض اللواء بمحافظة الجيزة، مساء أمس الأربعاء، المؤتمر الختامي للحملة الانتخابية لمرشح أحمد مرتضى منصور، الذي يخوض انتخابات مجلس النواب المقبلة عن دائرة الدقي والعجوزة وأرض اللواء، بحضور جماهيري كبير من الأهالي الذين حرصوا على دعمه وتأييده.
انتخابات مجلس النواب
وخلال كلمته في المؤتمر، قال أحمد مرتضى منصور: أنا ابن المنطقة دي وابن البلد دي، ودقيقتين بتيجي أحمد عرابي تطلب اللي أنا عايزه، وأنا أتشرف إن أبويا مرتضى منصور، وهتختاروني علشان أنا أبويا مرتضى منصور، وده شرف ليا.
وأضاف المرشح: المنصب بيروح وييجي، وأنا جالي مناصب كتير وكنت عضو مجلس نواب، لكن المنصب مش المهم، خدمة الناس هي الأهم، والدولة عايزة ناس محترمة وبتشتغل.
وأكد أنه لا توجد أي خصومة بينه وبين أي من المرشحين قائلًا: إحنا مش ضد حد، وأنا مفيش خصومة بيني وبين أي مرشح، الخصومة في الانتخابات شرف، والمنصب ربنا هو اللي بيبعتهولك.
وأوضح أحمد مرتضى منصور أنه المرشح الوحيد الذي خاض الانتخابات أكثر من مرة، معقبًا: أنا المرشح الوحيد اللي نزل كذا مرة ولفيت كل حتة في الجيزة والدقي والعجوزة.
وتحدث عن أبرز مشكلات المنطقة قائلًا: من ضمن مشاكل أرض اللواء تطوير وتشغيل الوحدة الصحية، وطموحي إني ابني مستشفى مش أجدد مركز شباب، وعايز أعمل مدارس تخدم ولادنا.
واختتم كلمته قائلًا: أنا عايزكم تختاروا بضميركم، وهتشوفوني دايمًا موجود، وبيتي ومكتبي مش بعيد عنكم.
