منى زكي: كلمة حملات بقت ماسخة والناس بقى عندها توحش غريب.. وكان عليا ديون بسبب دخولي مجال الإنتاج
كشفت الفنانة منى زكي، سبب اتخاذها قرار الابتعاد عن الوسط الفني خلال السنوات الماضية، بجانب حديثها عن دخولها مجال الإنتاج الفني، وتعليقها على تعرض أعمالها لـ حملات هجوم وانتقادات.
وقالت منى زكي، في لقائها مع الإعلامية عبلة أسامة في برنامجها عندك وقت مع عبلة، المذاع عبر شاشة قناة MBC: قررت في فترة أتوقف عن الشغل لما بنتي كانت صغيرة ووالدي توفى، مكنتش عايزة أسيب بنتي ولا عايزة أحمد يروح الشغل، ولكن بعد شوية الموضوع اتحسن.
أما عن تعرض أعمالها الفنية لحملات وانتقادات، فعلقت منى زكي: حتى كلمة لجان مسخوها، أنا بحاول مقرأش وأكيد في وقت الحاجات دي بتضايق إحنا بني آدمين، ده فراغ وغضب رهيب عند الشخص وراء شيء ما ومش عارف يفرغ الطاقة دي، وهو مستخبي ورا الشاشة والناس بقى عندها توحش غريب، حتى العمل السيء ممكن تتعاطفي معاه من كتر ما الناس متوحشة وقطعت فيه.
وتابعت منى زكي: السوشيال ميديا مبتمثلش الناس في الشارع، واللي يفكر يعمل لجنة علشان يهاجم حد جواه كره، لو عايز تعلي نفسك حقك بفلوسك، ولكن أنت تصرف علشان.
كما كشفت منى زكي، تفاصيل دخولها مجال الإنتاج الفني، موضحة أنها حاليًا لم تستمر بالمجال، فعلقت مازحة: مرة فتحت شركة إنتاج واتداينت الحمد لله وبسدد ديوني من 5 سنين سددتهم.
