هصلحها على حسابي.. شخص يشيد بتعامل آخر صدم سيارته بالخطأ: لسه فيه ناس بالأدب ده
نشر صاحب حساب عبر موقع التواصل الاجتماعي فيسبوك، منشورًا له يشيد من خلاله بأخلاق ورقي شخص صدم سيارته بالخطأ، حيث ترك له رسالة اعتذار عن صدم السيارة وعرض عليه تصليحها.
صاحب سيارة يشيد بتعامل شخص صدمها بالخطأ: لسه في ناس بالأدب ده
وقال أشرف ناجح عزيز، صاحب سيارة صدمها شخص أخر بالخطأ، في منشور لها عبر حسابه بموقع التواصل الاجتماعي فيسبوك، نزلت الصبح لقيت الورقة دي علي العربية، وبالرغم من إن العربية اتخبطت لكني كنت فرحان جدًا حقيقي بالأخلاق والرقي الكبير ده.
وتابع صاحب سيارة صدمها شخص آخر بالخطأ، في منشور له عبر حسابه بموقع التواصل الاجتماعي فيسبوك: اتصلت بالراجل بس علشان أشكره على أخلاقه ورقيه في التعامل مع الموقف، وقالي أنا مصمم إني أصلحها علي حسابي في مركز الصيانة بتاع العربية، قولتله صدقني العربية متأمن عليها وأنا هاعملها بدون مقابل.
وأضاف صاحب السيارة: قالي خلاص الوقت اللي هتسيب في العربية في مركز الصيانة أنا هأجرلك عربية نفس الموديل علي حسابي، لحد ما تخلص العربية وتستلمها، وأنا بعتذر لحضرتك مرة تانية وبشكرك علي إنك مسامحني، قولتله حقيقي أنا اللي بشكرك علشان عرفتني إن لسه في ناس بالأدب والأخلاق والرقي ده في الأيام الصعبة دي.
