بعد أنباء زواجه من بلوجر.. عبد الله رشدي: لو الزوجة طلبت الطلاق وقالت لك خد حاجتك لازم ترجعلك المهر كامل
تحدث الداعية عبد الله رشدي، في عدد من حالات الطلاق، وذلك تزامنًا مع حالة الجدل المثارة بشأن حقيقة زواجه من البلوجر أمنية حجازي.
عبد الله رشدي: لو الزوجة طلبت الطلاق وقالت لك خد حاجتك يبقى لازم ترجعلك المهر كامل
وقال رشدي عبر صفحته الرسمية بموقع التواصل الاجتماعي فيسبوك: لو الزوج قال لمراته أنتِ طالق يعني هو اللي طلقها، ركز هنا، هو اللي طلقها يعني هي ما قالت له طلقني وخد حاجتك، حلو كدا؟ الزوج طلق من لنفسه حتى لو كانت سيئة معاه ده ملوش تأثير برضو في الحكم، هنا هتاخد الزوجة المهر كاملًا، اللي هو إيه؟ اللي هو الشبكة والنقود اللي لو كان فيه فلوس اندفعت والمؤخر كمان كل دول اسمهم المهر.
وأردف رشدي: طيب الزوج طلقها وبعدين مش عايز يُثبت الطلاق إلا لما تتنازل له عن المهر؟ نسأل تاني نفس السؤال، هي قالت لك طلقني وأنا مش عايزة حاجة فأنت قلت لها أنتِ طالق على كدا؟ لا.. هي مزعجة وأنا طلقتها، تمام يبقى حقوقها واجبة عليك وتروحوا عند المأذون وتوقعوا على الطلاق وملكش الحق تجبرها على إرجاع أي شيء لك من المهر، ده شرع ربنا، ومينفعش تقول لها بقى مش هطلق رسمي إلا لما تتنازلي، ده كدا حرام عليك طيب لو هي قالت له طلقني وخد حاجتك فطلقها على كدا؟ هنا ترجع له المهر اللي شرحناه فوق.. بالنسبة للقايمة فلها منشور تاني إن شاء الله.
