شايل إيده من 2017.. سيدة تستغيث من طليقها: بشتغل ليل ونهار عشان أصرف على أولادي ومريضة قلب|خاص
استغاثت سيدة من رفض طليقها سداد نفقة أولاده الثلاثة منها منذ عام 2017، والتي قدرتها المحكمة بـ 98 ألف جنيه، لافتة إلى أنها عبء مصروفات الأولاد وتعليمهم منذ انفصالهما، بجانب عدم استطاعتها العمل مؤخرًا لإصابتها بمرض القلب.
سيدة تستغيث من طليقها بسبب نفقة أولاده
وقالت السيدة في تصريحات خاصة لـ القاهرة 24: أنا أم وبربي 3 أطفال، منفصلة رسميا، ومعايا ولادي فى مراحل تعليم مختلفة، أنا مسؤولة عنهم، وأبوهم شايل إيده خالص من كل حاجة.
وتابعت: طليقي عليه أحكام نفقة من 2017 لغاية النهاردة يعني 8 سنين، وفيها أحكام حبس نهائية وهو رافض يدفع، وأنا تعبت صحيًا وعندي اختلال كهربائي بالقلب، ومابقتش قادرة أوفي احتياجاتهم من دروس ومدارس وأكل وشرب وعلاج، وبشتغل ليل نهار.
وأضافت: المحكمة محدداله نفقة إجمالي 3000 جنيه الشهر ده، والمفروض يدفع حسب الاتفاق، لكنه فضل يتهرب قلتله خد ولادك ووفر النفقة واصرف عليهم، رفض وقالي لو عايزة أسلمهم ليه أتنازله عن عربيتي وشقتي، وأتنازل عن إجمالى النفقات السابقة من 2017 لغاية دلوفتي، واللي قيمتها 98 ألف جنيه.
وواصلت: هو متجوز وفاتح بيت تاني، وبيصرف على 4 أولاد وزوجته، ورامي ولاده ولحمه ومش بيصرف عليهم جنيه، من زمان وأنا استحملته وجيت على نفسي بس دلوقتي مش قادرة، مطلوب مني أعمل إشاعات على القلب مش عارفة عشان أوفر أي مصاريف.
