حلا شيحة ومايا دياب وهبة يسري.. كيف دعمت نجمات الفن دينا الشربيني في أزمتها الأخيرة؟
دعمت الفنانة حلا شيحة والمطربة اللبنانية مايا دياب والمخرجة هبة يسري، الفنانة دينا الشربيني في أزمتها الأخيرة والانتقادات التي تعرضت لها بعد الزج باسمها في أزمة طلاق الفنان كريم محمود عبد العزيز وزوجته آن الرفاعي.
حلا شيحة تدعم دينا الشربيني
وكتبت حلا شيحة عبر حسابها الرسمي على إنستجرام رسالة دعم لصديقتها دينا الشربيني، قائلة: الجميلة دينا الشربيني.. أعرفها من سنين طويلة، وأشهد إنها من أطيب وأرقّ القلوب. روح مرحة، خفّة دم، وجدعنة. صديقة قريبة، ونيّتها دائمًا طيبة مع الناس.. رسالتي للناس اللي بتهاجمها للأسف، العتب مش بس على اللي بيصدق الشائعات العتب الأكبر على بعض الإعلاميين اللي فقدوا المهنية، وبقوا ينشروا كلامًا غير موثوق وغير صحيح.. والناس تسمع وتنقل وتزود من عندها.
وتابعت حلا شيحة: أولًا وبوضوح: دينا مش خرابة بيوت ولا عمرها كانت كده.. الزواج والطلاق قسمة ونصيب، ومحدّش بيخطف حد من حد.. وأنا أعرف دينا كويس.. وأعرف إنها ما تعملش حاجة من اللي بيتقال ظلمًا.
وأضافت حلا شيحة: المشكلة إن السوشيال ميديا بقت ساحة مفتوحة للإشاعات، والتجريح، والخوض في الأعراض.. وكأن الكلام ما بقاش له حرمة ولا أثر.. مع إن الكلام المؤذي ممكن يكسّر قلوب ويظلم ناس بريئة ويتسبب في أذى كبير.. وربنا أمرنا إننا نمسك لسانا، وما نخوضش في سمعة حد، لأن دي من أخطر الذنوب، وإحنا كلنا هنقف قدام ربنا ونتحاسب على كل كلمة قلناها أو نقلناها.
واستكملت حلا شيحة: ولحبيبتي دينا.. سيبي كل ده وراكِ.. إنتِ إنسانة جميلة من جوه وبرّه، وقلبك طيب ونيّتك بيضا، وما يستاهلش تتأذي من كلام جاهل لا يعرف حقيقتك.. ربنا يكرمك بالخير اللي قلبك يستحقه.. ولكل من خاض في عرضها.. اتقوا الله.. الكلمة أمانة، وظلم الناس مش لعب. وكل واحد هيتحاسب أمام رب العالمين على اللي قاله واللي نشره واللي شارك في إيذاء إنسانة بريئة.. وقد قال رسول الله ﷺ:«من تتبّع عورة أخيه تتبّع الله عورته، ومن تتبّع الله عورته فضحه ولو في جوف بيته».. وقال ﷺ: «لا يدخل الجنة نمّام».
مايا دياب تدافع عن دينا الشربيني
وخرجت الفنانة اللبنانية مايا دياب منذ أيام، لترد على الانتقادات التي تعرضت لها صديقتها دينا الشربيني، وقالت في فيديو نشرته عبر حساباتها الرسمية: موضوع حساس وموضوع مؤذي على السوشيال ميديا وهو موضوع دينا الشربيني وموضوع استباحة كرامة الناس وأخلاق الناس بهذه الطريقة مش بس من الذباب الإلكتروني المريض.
وتابعت مايا دياب: لأن فيه أكونتات رخيصة بتتكلم بالطريقة دي عن دينا الشربيني، لأن احنا في زمن الرخص على السوشيال ميديا، أما عن الناس اللي عارفة القصة من ناحية واحدة، أنتوا متعرفوش الحقيقة، والموضوع يخصني لأني أول حاجة إنسانة عربية وفنانة وأخت لدينا الشربيني واللي مزعلني أكتر إن الإعلاميين بيتوجهوا لدينا بأسوأ الطرق، وفي مواقع بتنقل الخبر من غير ما تتأكد من صحته.
واستكملت مايا دياب: وأنتوا ما بتنقلوش بس أخبار لكن بتنقلوا بشاعة الأمور وأكتر من اللازم، ولو كل واحد خد الموضوع على أخته أو بنته مش هيقبل بيه، بس استباحة الناس لأنهم مشهورين وترتكبوا في حقهم كل الغلط ده، دينا بنت ما في منها.
المخرجة هبة يسري
كما دعمت المخرجة هبة يسري، الفنانة دينا الشربيني، حيث كتبت على حسابها الرسمي عبر فيسبوك: يا جماعة كفاية كلام عن دينا الشربيني ميصحش كده والله العظيم ده قذف محصنات وعقوبته كبيرة جدا متستبيحوش الناس كونهم مشاهير محدش فينا يعرف حاجه دي أمور شخصية وأصلا في الدين لو حد عارف حاجه وشافها بعينه مش المفروض يفضح الموضوع.
وتابعت يسري: ولا هو الإيمان والدين في الخمرة وقيم الأسرة وفضح الناس والخوض في أعراضهم مش قيم مجتمعية، أي حد بينشر في الموضوع ده بهزار بيعمل حاجه في منتهي الحرمانية وذنبها بيترد اتقوا الله.
