المشاهدات جننتك.. البلوجر أم خالد لـ طليقها بعد اعتزامها الزواج: يا رب تشيلني من دماغك
نشرت البلوجر أم خالد، مقطع فيديو عبر حسابها بموقع التواصل الاجتماعي فيسبوك، توجه من خلاله رسالة لطليقها.
وقالت: من حقي أطلع أرد على أي حد يشوه صورتي قدام الناس، لما قولت إن الشخص اللي في حياتي دلوقتي عوض ليا ولأولادي، هنا كان في نيتي إنه حنين على الأولاد وبيحبهم وهما بيحبوه.
المشاهدات جننتك.. البلوجر أم خالد لـ طليقها بعد اعتزامها الزواج: يا رب تشيلني من دماغك
وقالت البلوجر أم خالد: اتفاجئت إن طليقي منزل فيديو يقول فيه إن أنا أبوهم وأنا العوض، هو أنت دخلت جوا نيتي؟.. أنا متخطياه بقالي فترة وبشوف حاجات مش بتعجبني ومش برد عليك، وبتطلع تلقح عليا في الفيديوهات وبسكت، ومنزل فيديو لخالد ابني ومعلق لنفسه عليه وكاتب خالد زعلان جدًا، وحاطط قلب مكسور، هل دا عشان أنا خدت خطوة إني هتجوز؟.
وأضافت: عايز تشوه شكلي قدام الناس ليه كدا؟، مش بتضايق لما أنت بتقلد فيديوهاتي وكلامي ولا هتضايق، سيبني في حالي وتخطى زي ما أنا اتخطيت، وربنا يوفقك في حياتك اللي جاية ويعوضك بالأحسن، وسيبني في حالي لوجه الله.
وتابعت البلوجر أم خالد: مش فاهمة أنت بتعمل كدا ليه، ببقى مكلماه بالليل عشان ييجي ياخد الأولاد ويشوفهم ويشوفوه، وطول الوقت بوصي خالد ابني ببر أبوه، وهو تاني يوم يعمل عليا فيديو ويصور صوتي فيه.. رغم كل اللي انت بتعمله أنا مسمحاك وبتمنالك كل حاجة حلوة في الدنيا، ويارب تلاقي حاجة جديدة غير أم خالد تطلع تتكلم فيها.
واستكملت: أنت الريتش جننك، لما بتطلع تعمل فيديوهات لوحدك ومش بتذكر فيها أم خالد مش بتعمل مشاهدات، لكن هو خلاص عرف السكة وبقى يطلع يتكلم على مشاكلنا الخاصة وعليا عشان المشاهدات، والفترة دي من يوم ما أعلنت إني هتجوز وهو بيلقح عليا وبيتكلم عني.. اعمل خاطر للولدين.
