محمد صلاح: الوحيد اللي صدّق فيا بجد هو والدي.. واللاعيبة كانوا بيقولوا عليّا فلاح
تحدّث محمد صلاح قائد منتخب مصر ونجم ليفربول، عن رحلة صعوده والصعوبات التي واجهها في بداياته، مستعرضا جانبًا من ذكرياته ومحطات تشكيل شخصيته داخل وخارج الملعب.
تصريحات محمد صلاح مع البروفيسور مجدي يعقوب
وقال محمد صلاح في حلقته مع البروفيسور مجدي يعقوب: الوحيد اللي صدّق فيا بجد هو والدي وكنت بسافر كل يوم للقاهرة وصدق رغم إنه مكانش في لاعبين كتير في أوروبا، ووالدتي كانت بتخاف من سفري وعشان كده بدين بكل اللي أنا فيه ليه، وأنا صغير مثلي الأعلى بالنسبة للكرة في مصر كان كابتن الخطيب وحسن شحاتة.
وكشف نجم الريدز قائلا: كل اللي كنت عايزه إني ألعب كورة وكان ده كل تركيزي لأني لو معرفتش حياتي هتدمر، وكنت بخاف أرد على المدربين عشان خايف أخسر مكاني وكنت باخد الزعل وادخل الحمام أعيط واللاعبين يتريقوا عليا ويقولوا فلاح، متابعا: اختلاف الثقافات واللغة كانت أصعب حاجة واجهتني في الخارج، ولما كنت بلعب في مصر الكورة كانت جزء من يومي لكن في أوروبا الكورة هي كل يومي.
وأتم: كنت رايح سويسرا طفل من مصر وبدأت أشوف فيديوهات مصطفى محمود وإبراهيم الفقي عشان أشوف الناس عملوا إيه عشان ينجحوا.
