البلوجر تامر الجيار بعد تعرضه للتنمر: أنا إنسان وبتأثر ونفسيتي بتتعب فبلاش تكونوا ظالمين
كشف صانع المحتوى تامر الجيار، عن مروره بفترة صعبة بعد تعرضه للتنمر عبر مواقع التواصل الاجتماعي، مؤكدًا أن هدفه الوحيد هو تحقيق حلمه دون الإساءة لأي شخص.
البلوجر تامر الجيار بعد تعرضه للتنمر
وقال البلوجر تامر الجيار عبر حساباته الرسمية، إنه لم يخطئ في حق أحد: أنا معملتش ليكم حاجة وحشة، أنا بحاول أوصل حلمي من غير ما أجرح حد أو أأذي حد فيكم، لكن ليه دايمًا عاوزين تكسروا حلمي؟.
وأضاف أنه لا يطلب سوى الامتناع عن الإساءة، قائلًا: لو مش عاوز تتابعني، أنت حر، بس من غير غلط، وده حلمي في الحياة وبسعى ليه، فدور على حلمك وسيبني في حالي.
وأوضح أن التعليقات السلبية تؤثر عليه نفسيًا، قائلًا: أنا إنسان في الأول والآخر، وبتأثر وبتعب نفسيًا من التعليقات البايخة اللي بتقصد إنها تعطلني عن طريقي.
وتابع مستنكرًا الأسلوب القاسي الذي يتعرض له: لو عندك ضمير هتعرف إنك مش أحسن مني ولا أنا أحسن من حد، كل واحد في طريقه، بس أنت بتحاول توقفني بكلامك.
وختم رسالته بدعوة لنبذ الظلم ونشر الرحمة، قائلًا: بلاش تكون ظالم كده معايا، وارحموا من في الأرض يرحمكم من في السماء، وحسبنا الله ونعم الوكيل في كل ظالم.
