أحدث ظهور لـ الكينج محمد منير رفقه مصطفى حدوتة│صور
شارك الشاعر مصطفى حدوتة، مجموعة من الصور التي تجمعه بالكينج محمد منير داخل منزله، مؤكدًا أنه كان لقاءً مميزًا تعلّم خلاله الكثير من خبرته وحكمته.
أحدث ظهور للكينج محمد منير رفقه مصطفى حدوتة
وكتب مصطفى حدوتة عبر حسابه بموقع التواصل الاجتماعي فيس بوك: في جلسة خاصة مع الملك محمد منير استفدت كتير من كل كلمه قالهالي وتأكدت بالفعل إنه ملك مش مجرد لقب فعلًا كلامه كلام الملوك أسلوبه ومعاملته والكاريزما والحضور، ملك ملك يعني بصراحة وطبعًا اتعلمت منه كتير وقررت أكون ملك الكتابة في مصر والوطن العربي.
مصطفى حدوتة والكينج
سبق وكشف الشاعر مصطفى حدوتة تفاصيل تعاونه مع الكينج محمد منير في أغنيته ضي، وهي الأغنية الدعائية لفيلم ضي، حيث كتب حدوتة عبر فيس بوك: التعاون الأول مع الكينج محمد منير فيه تفاصيل كتير، ولأن الأغنية داخل فيلم ضي اللي حكايته شبه حكايتي وحكاية شباب كتير زيي قررت أنسى أي حاجة وأكتب عن نفسي وعن أفكارى وعن مبادئي.
وتابع: وكأني بكتب أغنيه توصف مصطفى حدوته مش ضى الحمد لله اتوفقت في عمل كبير واشترك فيه ناس شطار كتير مش عاوز انسى حد منهم بس شكرًا جدًا لكل اللي اشتغل وتعب ع المشروع عشان يظهر بالشكل الجميل ده مبروك لينا كلنا ع التجربه الجميله والعظيمه دي.
