هاني فرحات عن جدل لقب صوت مصر: يستحقه اللي تدخل تلاقي أغانيه مش فضايح
علق المايسترو هاني فرحات على الجدل الدائر حول لقب صوت مصر بين الفنانتين شيرين عبد الوهاب وأنغام، مؤكدًا أن المقارنة بينهما ليست ضرورية.
وقال فرحات في تصريحات تليفزيونية: المقارنة بينهم ملهاش لازمة أنا بشوف إن أنا لو المتلقي مش هسمع شيرين وأسيب أنغام، ولا العكس، اللي المفروض يحصل إنّي أقول الله، مصر عندها أنغام وشيرين، مش أقول مين قلب مصر أو صوت مصر.
وأردف: وفين المشكلة إنّي أقول أنغام صوت مصر وشيرين صوت مصر، وأم كلثوم وغيرهم كلهم صوت مصر ومن مصر، وعشان ننهي الموضوع ده، أنا لو هديت اللقب لحد، لو دخلت على اليوتيوب وكتبت اسم الفنان وطلعت لي أغانيه مش فضايح، هديله اللقب بالعقل والهدوء.
هاني فرحات عن تقبيله يد محمد عبده
ومن جانبه، سبق وعلق هاني فرحات على الانتقادات الموجهة له، وذلك عقب ظهوره بـ زيّ سعودي وتقبيله يد الفنان محمد عبده في حفل موسم الرياض، وكتب تغريدة، عبر حسابه الرسمي بموقع X، معلقًا: أنا مش هسكت على الباطل، وهقول كلمة حق وأشهد شهادة حق، أنا هاني فرحات، مواطن مصري، اتعلمت أحسن تعليم في بلدي، وسافرت إلى أوروبا وتعلمت تعليمًا عاليًا، وقدّمت موسيقى في أرقى المسارح، ولفيت العالم كله مع World Philharmonic Orchestra، ممثلًا للفن العربي والمصري بكل فخر.
واستكمل: رجعت بلدي مصر، وابتديت أقدّم اللي اتعلمته في الوطن العربي كله، ناشرًا رسالة الفن والموسيقى والمعرفة في كل مكان، والنهارده، بعد سنين من العمل والجهد، بتكرّم في الدول العربية والعالم كله، وأكبر تكريم حصلت عليه كان من بلد قدّرت فني، ومنحتني باسبورها وجنسيتها، اعتزازًا بما قدمته من موسيقى وإبداع.
