عندهم إهمال ولا مبالاة.. سيدة تزعم تعرض نجلها للعنف من زميله بإحدى المدارس الخاصة
زعمت سيدة تعرض نجلها لعنف بإحدى المدارس الخاصة على يد أحد زملائه، بجانب إهمال المدرسة لسلامة الأطفال؛ ورغم تقدم السيدة بعدد من الشكاوى لإدارة المدرسة لكنها تفاجأت بسلبية شديدة منهم وعدم اتخاذ أي إجراءات تجاه وقائع العنف المتكررة، حسب قولها.
سيدة تزعم تعرض نجلها للعنف من زميله بإحدى المدارس الخاصة
وشاركت السيدة منشورًا عبر حسابها الشخصي، بمنصة فيسبوك كتبت فيه: اتصدمت حرفيًا، وعمري ما كنت متخيلة إن ده يحصل في مدرسة خاصة THE EGYPTIAN LANGUAGE SCHOOLS، والمفروض إنها “راقية” وتهتم بسلامة الأطفال قبل أي حاجة.
وأضافت: أنا شايفة إن أقل حاجة أعملها إني أشارك تجربتي علشان ولا حد يقع في نفس الغلطة اللي أنا وقعت فيها، وابني في KG1، وطول الترم اتعرض لعنف متكرر ومستمر، مش موقف ولا اتنين، تقريبا أكتر من 20 مرة، وكل مرة بينتهي اليوم عند دكتور العيادة بسبب ضرب وكدمات وركل ودفع من على السلم.. وكل ده من نفس الطفل.
وتابعت: قدمنا شكاوى، وحضرنا اجتماعات، وطلبنا حلول واضحة، وقولنا عايزين بس “أمان”، وبرغم كل ده، ولا حاجة اتغيّرت ولا حاجة اتصلحت.. نفس الإهمال، نفس اللامبالاة، ونفس غياب الإشراف الأساسي اللي أي مدرسة محترمة لازم توفره، وأنا حرفيًا اتصدمت إن مدرسة اسمها كبير ومصاريفها كبيرة، ومفروض إنها “مستوى”، ومش قادرة توفّر أقل حق لأي طفل: إنه يحس بالأمان جوا الفصل ومع أصحابه، وبكل وضوح أنا لا أنصح أي حد يدخل ابنه المدرسة دي.
